એકબાજુ લોકસભાની ચૂંટણી તૈયારીઓ જોરશોરથી ચાલી રહી છે. તો બીજી તરફ મહિલાઓ માટે સારા સમાચાર આવ્યા છે. જી હાં મહિલાઓ માટે અગ્નિવીર યોજનાને લઈને ભરતી બહાર પાડવામાં આવી છે. અગ્નિવીર યોજનાની ભરતીમાં અરજી કરવા માંગતા તમામ ઉમેદવારોને 22 માર્ચ, 2024 પહેલા ફોર્મ ભરી દેવાનું રહેશે. અંતિમ તારીખ બાદ કોઈનું પણ ફોર્મ સ્વીકારવામાં નહીં આવે. અગ્નિવીર અંતર્ગત મિલિટરી પોલીસ માટે ભરતી પાડવામાં આવી છે. આ ભરતી યુપી, બિહાર, બંગાળ પંજાબ સહિતના રાજ્યોમાં થઈ રહી છે. અરજી માટે ઉમેદવારોએ તેની વેબસાઇટ Indianarmy.nic.in પર જઈને અરજી કરવાની રહેશે. ભારતીય સેનાએ આ ભરતી માટે ફોર્મ ભરાવાની પ્રક્રિયા ગત માસ ફેબ્રુઆરીથી શરૂ કરી હતી.
ભરતીમાં મહિલાઓ માટે જગ્યા બહાર પાડવામાં આવી
અગ્નિવીરની આ મિલિટ્રી ભરતીમાં મહિલાઓ માટે જગ્યા બહાર પાડવામાં આવી છે. આ ભરતીની પ્રક્રિયા બે તબક્કાની રહેશે. પહેલા તબક્કા-1માં ઓનલાઈન લેખિત પરીક્ષા હશે જે કોમ્પ્યુટર બેઝ્ડ કોમન એન્ટ્રન્સ ટેસ્ટ (CEE) તરીકે લેવામાં આવશે. જેમાં પાસ થયેલ ઉમેદવારને ફેઝ-2 માટે બોલાવવામાં આવશે જેમાં શારીરિક અને મેડિકલ ટેસ્ટ લેવામાં આવશે.
વધુ વાંચો : લોકસભા ચૂંટણીને લઇ CAની પરીક્ષા તારીખોમાં ફેરફાર: જાણો કઇ Exam ક્યારે લેવાશે?
મહિલા ઉમેદવારોએ 10મું ધોરણ પાસ હોવું જરૂરી
મિલિટ્રી પોલીસ ભરતી માટે મહિલા ઉમેદવારોએ 10મું ધોરણ પાસ કર્યું હોવું જોઈએ. આ સિવાય જો તમારી પાસે લાઇટ મોટર વ્હીકલ ડ્રાઇવિંગ લાઇસન્સ છે, તો તમને ડ્રાઇવર પોસ્ટ માટે પસંદગી મળી શકે છે. 17.5 થી 21 વર્ષની વય મર્યાદા રાખવામાં આવી છે. ડિફેન્સ કર્મચારીઓની વિધવાઓ માટેની વય મર્યાદા 30 વર્ષની રાખવામાં આવી છે. આ સિવાય ઉમેદવારોની લંબાઈ 162 સેમી હોવી જોઈએ. જ્યારે વજન હાઈટ પ્રમાણે હોવું જોઈએ તો છાતી ઓછામાં ઓછી 5 સેમી ફૂલવી જરૂરી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
