- લેન્ડ ગ્રેબીંગ કમીટીમાં જમીનના કેસોની સ્ક્રુટીની
- સ્ક્રુટીની માટે સ્પેશયલ સેલની રચના કરતા કલેકટર
- એક મામલતદાર,ત્રણ નાયબ મામલતદારને જવાબદારી
રાજકોટમાં સરકારી અને ખાનગી જમીનમાં કરવામાં આવતી પેશકદમી સામે કલેકટરે બનાવેલી લેન્ડ ગ્રેબીંગ કમીટીમાં જમીનના કેસોની સ્ક્રુટીની માટે સ્પેશ્યલ સેલ બનાવવામાં આવી છે.લેન્ડ ગ્રેબીંગ કેસની સ્પેશયલ ઝુંબેશ ચાલી રહી છે.દર શુક્રવારે જિલ્લા કમિટિ સમક્ષ શહેર અને જિલ્લાની સરકારી અને ખાનગી જમીનના કેસો મુકવામાં આવે છે. કમિટિ દ્વારા જમીનના દસ્તાવેજી પુરાવાના આધારે લેન્ડ ગ્રેબીંગની ફરિયાદ કરવી કે નહીં તેનો નિર્ણય કરવામાં આવે છે.
પૂજા જોટાણીયા અધ્યક્ષ
જિલ્લા કમિટિ સમક્ષ એકસાથે ઢગલાબંધ કેસ મુકવામાં આવતા હોવાથી અનેક કેસ બીજી મુદ્દતમાં લેવામાં આવે છે. આટલો બધો સમય વ્યર્થ ન જાય તે માટે લેન્ડ ગ્રેબીંગ સેલની રચના કરવામાં આવી છે.આ સેલમાં રાજકોટના સ્ટેમ્પ ડ્યુટીના ડેપ્યુટી કલેકટર પૂજા જોટાણિયાને અધ્યક્ષ બનાવવામાં આવ્યા છે. જ્યારે એક મામલતદાર અને ત્રણ નાયબ મામલતદારને પણ લેન્ડ ગ્રેબીંગના કેસની સ્ક્રુટીનીની જવાબદારી સોંપવામાં આવી છે.
સમય ના વેડફાય માટે સ્પેશિયલ સેલ-કલેકટર
અત્યારસુધી પોલીસ વિભાગ, રેવન્યુ અને જેતે પ્રાંત અધિકારીના રિપોર્ટમાં વિલંબ થતો હોવાના કારણે અને સંકલનના અભાવે કેસ પડતા મુકવામાં આવતા હતા. આવું ન થાય તે માટે સ્પેશયલ સેલની રચના કરવામાં આવી છે. હવે સ્ટેમ્પ ડ્યુટીના ડેપ્યુટી કલેકટર પુજા જોટાણિયાની રાહબરી હેઠળ ચીટનીસ અને ત્રણ નાયબ મામલતદાર લેન્ડ ગ્રેબીંગ કમિટીની મિટીંગ મળતા પહેલા તમામ કેસની જીણવટભરી તપાસ કરીને જિલ્લા કલેકટરને રિપોર્ટ કરશે ત્યારબાદ કમિટી દ્વારા લેન્ડ ગ્રેબીંગની ફરિયાદ કરવી કે નહીં તેનો નિર્ણય લેવામાં આવશે
