તેજી / શેર બજારમાં ફરી ધૂમ: બેકિંગ અને એનર્જી શેરોમાં ભારે ખરીદી થતાં મોટા જમ્પ સાથે બજાર બંધ, આ શેરો ચમક્યા

• શેરબજાર માટે આજનો બુધવાર શુકનવંતો નીવડ્યો
• બીએસસી સેન્સેક્સ 393 પોઇન્ટના વધારા સાથે 66, 473 પોઇન્ટ પર બંધ
•  IT અને PSU બેન્કના  શેરોએ રોકાણકારોને રોવડાવ્યા

શેરબજાર માટે આજનો બુધવાર શુકનવંતો સાબિત થયો હતો અને આજે શેર બજારમાં જોરદાર ખરીદારી જોવા મળી હતી. ચારેકોરથી ખરીદીને પગલે સતત બીજા દિવસે શેર બજાર લીલા નિશાન સાથે બંધ રહ્યું હતું. આજે બીએસસી સેન્સેક્સ 393 પોઇન્ટના વધારા સાથે 66, 473 પોઇન્ટ પર બંધ રહ્યો હતો. તો બીજી તરફ નિફ્ટી 121 અંકના વધારા સાથે 19, 811 પર અટક્યો હતો. વળતરને પગલે રોકાણકારોમાં આનંદ છવાયો હતો. 

નોંધનીય છે કે ઈઝરાયેલ અને હમાસ વચ્ચેના યુદ્ધને પગલે સપ્તાહના પહેલા દિવસે શેર બજાર મોટે પાયે નીચે પછડાયું હતું. ત્યારબાદ સતત બીજા દિવસે શેરબજારમાં તેજી જોવા મળી હતી.  આજે એફએમસીજી શેરોમાં ખરીદીને કારણે નિફ્ટી એફએમસીજી ઇન્ડેક્સ 0.85 ટકાના વધારો થયો હતો તો નિફ્ટી એનર્જી 0.89 ટકા, મેટલ્સ, બેન્કિંગ, ફાર્મા, ઈન્ફ્રા, કન્ઝ્યુમર ડ્યુરેબલ્સ, હેલ્થકેર, ઓઈલ એન્ડ ગેસ, ઓટો સેક્ટરના શેર પણ વધારા સાથે બંધ થયા હતા.

39 શેરમાં ફાયદો અને 11માં નુકસાન

બીજી તરફ આજે IT અને PSU બેન્કના  શેરોએ રોકાણકારોને રોવડાવ્યા હતા. ને ઘટાડા સાથે બંધ થતા વળતરની આશા ઠગારી નીવડી હતી. સેન્સેક્સના 30 શેરોમાંથી 24 શેરમાં વધારો તો 6 નુકસાન જ્યારે નિફ્ટીના 50 શેરમાંથી 39 શેરમાં ફાયદો અને 11માં નુકસાન થયું હતું.