- વર્લ્ડ કપ 2023માં ટીમ ઈન્ડિયા ચેમ્પિયનની જેમ ફાઇનલ સુધી પંહોચી હતી
- ICC દર વર્ષના અંતે પ્રદર્શનના આધારે એક બેસ્ટ ટીમની પસંદગી કરે છે
- કઇંક આવી હોય શકે છે ICCની સંભવિત બેસ્ટ ODI ટીમ 2023
વર્લ્ડ કપ 2023 પૂરો થઈ ગયો છે. આખી ટુર્નામેન્ટમાં એક પણ મેચ હાર્યા વિના ટીમ ઈન્ડિયા ચેમ્પિયનની જેમ ફાઇનલ સુધી પંહોચી હતી. જો કે ફાઇનલમાં ઓસ્ટ્રેલીયા સામે હાર્યા બાદ કરોડો લોકોના દિલ પણ તૂટી ગયા હતા. જો કે આ દરમિયાન અનેક ખેલાડીઓએ તેના શાનદાર પ્રદર્શનને કારણે અનેક લોકોના દિલ જીતી લીધા હતા.
હવે એ વાત તો નોંધનીય છે કે ICC દર વર્ષના અંતે ખેલાડીઓના પ્રદર્શનના આધારે એક બેસ્ટ ટીમની પસંદગી કરે છે. સાથે જ આ ટીમમાં એક એક દેશના નહીં પરંતુ વિશ્વભરના 11 ખેલાડીઓને સ્થાન મળે છે. એવામાં ICC પસંદગી કરે તે પહેલા અમે તમને આ વર્ષની સંભવિત બેસ્ટ ODI ટીમ વિશે જણાવવા જઈ રહ્યા છીએ.
કઇંક આવી હોય શકે છે ICCની સંભવિત બેસ્ટ ODI ટીમ 2023
આ ટીમના ટોપ ઓર્ડર એટલે કે ઓપનિંગ બેટ્સમેનની વાત કરીએ તો શુભમન ગિલનું ટીમમાં હોવું સ્વાભાવિક છે. શુભમન ગિલે 29 મેચની 29 ઇનિંગ્સમાં 63.36ની એવરેજથી 1584 રન બનાવ્યા છે. આ સાથે જ બીજા ઓપનિંગ બેટ્સમેન તરીકે શ્રીલંકાના પથુમ નિસાન્કાનું નામ હોય શકે છે. નિસાંકાએ આ વર્ષે 29 ODI મેચમાં 44.26ની એવરેજથી 1151 રન બનાવ્યા છે.
ત્રીજા નંબર પરના બેટ્સમેનની વાત આવે તો વિરાટ કોહલી સિવાય કોઈ પણ નામ મગજમાં આવે નહીં. નોંધનીય છે કે આ વર્ષે કોહલી વનડેમાં સૌથી વધુ રન બનાવનાર બીજા ક્રમે હતો. કોહલીએ 27 મેચની 24 ઇનિંગ્સમાં 72.47ની એવરેજથી 1377 રન બનાવ્યા છે. એવામાં હવે જો મિડલ ઓર્ડરની વાત કરીએ તો ન્યૂઝીલેન્ડના ડેરિલ મિશેલ ચોથો નંબર પર આવી શકે છે, તો કેએલ રાહુલ પાંચમા નંબર પર જોવા મળી શકે છે. ટીમમાં છઠ્ઠું સ્થાન દક્ષિણ આફ્રિકાના હેનરિક ક્લાસેનને મળી શકે છે. આ સાથે જ સાઉથ આફ્રિકાના ઓલરાઉન્ડર માર્કો યાનસેને પણ આ વર્ષે શાનદાર પ્રદર્શન કર્યું છે.
હવે જો બોલિંગની વાત આવે તો કુલદીપ યાદવ પ્રથમ જોવા મળશે. સાથે જ ઓસ્ટ્રેલિયાના સ્પિનર એડમ ઝમ્પાને પણ સ્થાન મળી શકે છે. આ ઉપરાંત મોહમ્મદ સિરાજ અને દિલશાન મદુશંકા પણ ટીમમાં જગ્યા બનાવી શકે છે.
