હેલ્થ / તમે પણ દરરોજ ખાલી પેટે ખાઓ છો 'ફણગાવેલા મગ'? જાણો કેવી થાય છે સ્વાસ્થ્ય પર અસર

• રોગ પ્રતિકારક શક્તિ વધારવા કરો આનો ઉપયોગ 
• જાણો ફણગાવેલા મગના ફાયદાઓ વિશે 
• સ્વાસ્થ્ય પર કરે છે આવી અસર 

કોરોના મહામારી વખતે સરકારથી લઈને ડોક્ટરો સુધી દરેક ઈમ્યુનિટી પાવર વધારવા પર જોર આપે છે. ડોક્ટરોનું કહેવું છે કે જે લોકોની રોગ પ્રતિકારક ક્ષમતા મજબૂત હશે. તે આ વાયરસ સામે સર્વાઈવ કરી શકશે. ફણગાવેલા મગનું નિયમિત સેવન કરવાથી તમારી ઈમ્યુનિટીને બૂસ્ટ કરી શકાય છે. 

ડોક્ટરોના જણાવ્યા અનુસાર ફણગાવેલા મગમાં પ્રોટીન, ફાઈબર, મેગ્નેશિયમ, વિટામીન સી, વિટામિન ઈ જેવા તત્વો ભરપુર માત્રામાં હોય છે. એટલું જ નહીં. તેમાં ફેટની માત્રા પણ ભરપુર હોય છે. 

મજબૂત થાય છે ઈમ્યુનિટી
જો તમે પણ દરરોજ સવારે ઉઠીને ફ્રેશ થયા બાદ ખાલી પેટે એક મુઠ્ઠી ફળગાવેલા મગ ખાઓ છો તો તમારા શરીરની રોગ પ્રતિકારક ક્ષમતા ખૂબ જ મજબૂત થઈ શકે છે. તમે ઈચ્છો તો સલાડ અથવા ચાટના રૂપમાં પણ ફણગાવેલા મગને ખાઈ શકો છો. આવો અમે તમને તેના ફાયદાઓ વિશે જણાવીએ. 

વજન ઘટાડવામાં રામબાણ 
જો તમે વધતા વજનથી પરેશાન છો તો ફણગાવેલા મગ તમારા માટે કોઈ રામબાણથી કમ નથી. હકીકતે ફણગાવેલા મગમાં ફેટીની માત્રા ખૂબ જ ઓછી હોય છે. જે વજન ઓછુ કરવામાં મદદ કરે છે. એવામાં રોજ ખાલી પેટે ફણગાવેલા મગનું સેવન કરવાથી વજનને સરળતાથી ઓછુ કરી શકાય છે. 

પાચનની સમસ્યાઓને કરે છે દુરૂસ્ત 
લાઈફસ્ટાઈલ અને ભોજનમાં ગડબડીના કારણે દુનિયામાં લાખો લોકો પાચન સંબંધિત મુશ્કેલીઓથી પરેશાન છે. એવામાં રોજ ફણગાવેલા મગનું સેવન કરીને આ સમસ્યામાંથી રાહત મેળવી શકો છો. મેડિકલ એક્સપર્ટ અનુસાર ફણગાવેલા મગમાં ફાઈબલની સારી માત્રા હોય છે. જે પાચન અને પેટને તંદુરસ્ત રાખવામાં મદદ કરે છે. 

રોગ પ્રતિકારક ક્ષમતા થાય છે મજબૂત 
કોરોના સહિત કોઈ પણ બીમારીથી બચાવ માણસની રોગ પ્રતિકારક ક્ષમતા કરે છે. આ ક્ષમતાને મજબૂત કરવામાં ફણગાવેલા મગ પણ સારો વિકલ્પ છે. તેમાં મળતા પોષક તત્વ ઈમ્યુનિટીને મજબૂત કરવામાં મદદ કરે છે. તેનાથી તમારી રોગ પ્રતિકારક શક્તિ મજબૂત થાય છે.