રીસર્ચ / હાર્ટ એટેક પહેલા શરીરમાં નહીં વાળમાં થવા લાગે છે આવા ફેરફારો, સામે આવ્યું સત્ય

• હવે વાળ પરથી જાણી શકાશે હાર્ટએટેકનું જોખમ
• આયર્લેન્ડના યુરોપિયન કોંગ્રેસ ઓફ ઓબેસિટીમાં સંશોધનનું તારણ
• જે વ્યક્તિના વાળમાં કાર્ટીસોનનું પ્રમાણ વધુ હોય છે તેમને હાર્ટએટેકનું જોખમ વધુ

તાજેતરમાં હાર્ટએટેકના કિસ્સાઓમાં ચિંતાજનક વધારો આવી રહ્યો છે. તેમાં યુવાનો ઉપરાંત વડીલો સહિતના અનેક લોકો હાર્ટએટેકના ભોગ બની રહ્યા છે. આવી સ્થિતિ વચ્ચે તાજેતરમાં એક નવું સંશોધન સામે આવ્યું છે જેમાં માણસના વાળ પરથી હાર્ટએટેકની સંભાવના મામલે જાણ થઈ શકતી હોવાનો દાવો કરવામાં આવ્યો છે. સંશોધનમાં સામે આવ્યું કે માનવ વાળમાં તળાવ હોર્મોન્સની હાજરી હોય છે અને આ તત્વની તપાસ કર્યા બાદ હાર્ટએટેકનું જોખમ કેટલું છે તે જાણી શકાય છે. આયર્લેન્ડના યુરોપિયન કોંગ્રેસ ઓફ ઓબેસિટીમાં એક સંશોધન રજુ કરાયુ હતું. જે સંશોધનના અભ્યાસમાં જાણવા મળ્યું કે માનવ વાળમાં ગ્લુકોકોર્ટીકોઈડ્સ સ્ટીરોઈડ હાર્મોન્સનું સ્ટાર આવેલું હોય છે. આ સ્ટારના અભ્યાસમાં જો ભવિષ્યમાં આ હાર્મોન્સના સ્તરમાં વધારો નોંધાઇ તો હાર્ટએટેકનું જોખમ વધી જતું હોય છે.

અભ્યાસમાં 6,341 લોકોના વાળના સેમ્પલ લેવામાં
આ સમગ્ર અભ્યાસમાં 18 વર્ષથી ઉપરના સ્ત્રી અને પુરુષની એક ટીમ બનાવવામાં આવી હતી અને સમગ્ર સંશોધન હાથ ધરવામાં આવ્યું હતું. જેમાં 6,341 લોકોના વાળના સેમ્પલ લેવામાં આવ્યા હતા અને સેમ્પલમાં રહેલા કાર્ટીસોન અને કાર્ટીસોનના સ્તરની તપાસ કરવામાં આવી હતી. જેના અભ્યાસમાં એવું સામે આવ્યું કે જે વ્યક્તિના વાળમાં કાર્ટીસોનનું પ્રમાણ વધુ હોય છે અને તે વધતું જ રહે છે ત્યારે તેને કંટ્રોલ કરવું અઘરું બને છે અને આવા લોકોને હાર્ટએટેક આવવાનો ખાતરો બે ગણો વધી જાય છે.

હાર્ટ એટેકના કેસોમાં મોટાભાગના લોકોની ઉંમર 57થી વધુ

આજ જોખમ જે વ્યક્તિની ઉંમર 57 વર્ષની છે અને તેમના વાળમાં કાર્ટીસોનનું પ્રમાણ ઘણું વધારે છે તેવા લોકોમાં ત્રણ ગણું વધી જતું હોય છે. મહત્વનું છે કે CVD ના કેસો એટલે કે હાર્ટ એટેકના કેસોમાં મોટાભાગના લોકોની ઉંમર 57 વર્ષ કે તેથી વધારે જ હોય છે. હાર્ટ સંબંધી મામલામાં વાળનો આ ટેસ્ટ ખૂબ ઊપયોગી નીવડી શકે છે. જેના થકી તબીબો અમુક મર્યાદા સુધી એવું નક્કી કરી શકે છે કે કયા લોકોને હાર્ટએટેકનું જોખમ રહેલું છે. આ લેવલ જાણ્યા બાદ હવે સ્ટ્રેસ હાર્મોન્સની અસરને કાબુમાં લેવા માટે પણ પગલાં લેવામાં આવે તો નવાઈ નહીં!