બેંકના તમામ જરૂરી કામ પતાવી લો કારણ કે માર્ચના છેલ્લા અઠવાડિયામાં સતત ચાર દિવસો સુધી બેંકનું કામકાજ બંધ રહેશે. આ ચાર દિવસો સુધી કેન્દ્ર અને રાજ્ય સરકારની ઓફિસોમાં પણ રજાઓ રહેશે.
4 દિવસો સુધી બંધ રહેશે બેંક:
તમને જણાવી દઇએ કે માર્ચના છેલ્લા અઠવાડિયામાં સતત 4 દિવસોની સરકારી રજાઓ રહેશે જેને કારણે બેંકની સાથે સાથે સરકારી ઑફિસો પણ બંધ રહેશે. 29-31 માર્ચ સુધી બેંક બંધ રહેશે. 29 માર્ચે ભગવાન મહાવીર જયંતી હોવાાના કારણે રજા રહશે. 30મી માર્ચે ઈસાઈ સમુદાયનો મુખ્ય તહેવાર ગુડ ફ્રાઈડે છે જેના કારણે પણ જાહેર રજા રહેશે. 31મી માર્ચે બેન્કો માટે ક્લોઝિંગ ડેટ હોય છે અને આ દિવસે બેંક ગ્રાહકો સાથે લેવડ-દેવડ નથી કરતી. 31મી માર્ચે મહિનાનો છેલ્લો શનિવાર છે. નિયમ અનુસાર છેલ્લા શનિવારે સરકારી ઓફિસો બંધ રહેશે. આ પછી પહેલી એપ્રિલે રવિવારની જાહેર રજા છે. આવી રીતે 29 માર્ચથી 1લી એપ્રિલ સુધી બેંકો અને સરકારી કાર્યલયોમાં રજા રહેશે અને બેંકના દરવાજા ગ્રાહકો માટે બંધ રહેશે.
પૂરા કરી લો જરૂરી કામ:
ઈન્કમટેક્ષ GST ઇન્શ્યોરન્સનું પ્રિમીયમ વગેરે જમા કરવાની સાથે અન્ય બેંકના કાર્યોને 31ના બદલે 28 માર્ચે જ ખતમ કરી લો. સરકારી કાર્યલયોમાં નાણાંકીય વર્ષ માટેની રકમનો ઉપયોગ પણ 28 માર્ચ સુધી જ કરવાનો રહેશે. બેંક બંધ રહેવાના કારણે ન તો ડ્રાફ્ટ બનશે અને ના તો ચેક ક્લિયરિંગમાં જશે.
28 માર્ચ પછી ચુવકણી નહીં!
ટ્રેઝરીના માધ્યમથી થનારી સરકારી ચુકવણી 28 માર્ચ બાદ નહીં કરાય. 31 માર્ચ એટલે કે શનિવારે બેન્કો અને ટ્રેઝરી ખુલ્લી રાખવાની જાહેરાત થયા બાદ જ માસના અંત સુધી ક્લિયરન્સ થઈ શકશે.
