નિર્ણય / રાજકોટના આ રોડ પર દિવસમાં ખાનગી લકઝરી બસો પર પ્રતિબંધ, લાંબા સમયની માંગ બાદ પોલીસે આપ્યો આદેશ

• રાજકોટમાં ખાનગી બસના પ્રવેશ પર પ્રતિબંધ 
• ટ્રાફિકની સમસ્યાં હલ કરવાં લેવાયો નિર્ણય
• રાજકોટ પોલીસ કમિશનરે બહાર પાડ્યું જાહેરનામું 

રાજકોટની માધાપર ચોકડીથી પુનિત પાણીના ટાંકા સુધી સવારના 8 વાગ્યાથી રાત્રિના 9 વાગ્યા સુધી ખાનગી લક્ઝરી બસના પ્રવેશ પર પ્રતિબંધ લગાવી દેવામાં આવ્યો છે. 150 ફૂટ રિંગ રોડ ઉપર ટ્રાફિકની સમસ્યાને હલ કરવા માટે ખાનગી લક્ઝરી બસ પર પ્રતિબંધ મુકાયો છે. લાંબા સમયથી ઉઠેલી લોકમાંગને ધ્યાનમાં રાખીને આ નિર્ણય લેવાયો છે. આ મામલે રાજકોટ પોલીસ કમિશનર દ્વારા જાહેરનામું પણ બહાર પાડવામાં આવ્યું છે. 

ખાનગી લક્ઝરી બસ માટે પ્રવેશ બંધી
150 ફૂટ રિંગ રોડ પર ટ્રાફિકની સમસ્યાથી લોકો ત્રાસી ગયા હતા. લાંબા સમયથી ખાનગી લક્ઝરી બસને લઈ નિયંત્રણની માંગણીઓ ઉઠી રહી હતી. અંતે રાજકોટ પોલીસ કમિશનર દ્વારા જાહેરનામું બહાર પાડવામાં આવ્યું છે. માધાપર ચોકડીથી પુનિત પાણીના ટાંકા સુધી ખાનગી લક્ઝરી બસ પર પ્રતિબંધ મુકાયો છે.  

જાહેરનામા સામે ખાનગી બસ સંગઠનનો વિરોધ  
જે બાદ રાજકોટ પોલીસ કમિશનર રાજુ ભાર્ગવના જાહેરનામાનો બસ સંગઠન દ્વારા વિરોધ કરવામાં આવી રહ્યો છે. આ મામલે રાજકોટ ખાનગી બસ સંગઠનના પ્રમુખ દશરથસિંહ વાળાનું નિવેદન સામે આવ્યું છે. તેમણે જણાવ્યું છે કે, આ જાહેરનામાથી રાજકોટના મુસાફરોને મુશ્કેલી પડશે. જાહેરનામા સામે ગૃહ રાજ્યમંત્રી હર્ષ સંઘવી અને ભાનુબેન બાબરીયાને રજૂઆત કરવામાં આવશે. 

રાજકોટ પોલીસ કમિશનરનું જાહેરનામું