IPL 2024 / ગુજરાત ટાઈટન્સમાં હાર્દિક પંડ્યાની કમી પૂરી કરી દેશે આ યુવા ઓલરાઉન્ડર! 19 ચોગ્ગા-છગ્ગા સાથે 149 રન ફટકાર્યા

• આઈપીએલ 2024 શરૂ થવાને અંદાજે માત્ર દોઢ મહિના જ બાકી છે. 
• ગુજરાત ટાઇટન્સ પહેલીવાર હાર્દિક પંડ્યા વિના મેદાનમાં ઉતરશે.
• એવું લાગી રહ્યું છે કે ગુજરાતને હાર્દિકનું રિપ્લેસમેન્ટ પણ મળી ગયું છે. 

આઈપીએલ 2024 શરૂ થવાને અંદાજે માત્ર દોઢ મહિના જ બાકી છે અને આ વખતે લોકોની નજર હાર્દિક પંડ્યા પર રહેશે જે મુંબઈ ઈન્ડિયન્સના કેપ્ટન બની ગયા છે. આ સાથે જ ગુજરાત ટાઇટન્સ પર પણ લોકો વચ્ચે ચર્ચાનો વિષય રહેશે, જે પહેલીવાર હાર્દિક વિના મેદાનમાં ઉતરશે. 

Azmatullah Omarzai is part of Gujarat Titans in IPL 2024 at just 50 Lakhs.

- A terrific all rounder! 🔥pic.twitter.com/hgjXxAk7uL

— Mufaddal Vohra (@mufaddal_vohra) February 10, 2024

એ વાત તો જાણીતી જ છે કે શુભમન ગિલને ગુજરાત ટાઇટન્સનો કેપ્ટન બનાવવામાં આવ્યો છે. ગિલ પહેલી વખત કેપ્ટનશિપ કરવા જઈ રહ્યો છે. આ સિવાય હવે એવું લાગી રહ્યું છે કે ગુજરાતને હાર્દિકનું રિપ્લેસમેન્ટ પણ મળી ગયું છે.

AZMATULLAH OMARZAI, THE FUTURE STAR OF CRICKET. 🔥

- He down, limping, cramps but fought till the end for Afghanistan and scored 149* runs from 115 balls when the team was 55 for 5 while chasing 382 runs. 🫡 pic.twitter.com/WJf2AyDa55

— Johns. (@CricCrazyJohns) February 9, 2024

આ રિપ્લેસમેન્ટ કોઈ અનુભવી અને મોંઘો ખેલાડી નથી, પરંતુ એક યુવા ઓલરાઉન્ડર છે જેને ગુજરાત ટાઇટન્સે માત્ર 50 લાખ રૂપિયામાં ખરીદ્યો હતો. આ ખેલાડીએ માત્ર એક દિવસ પહેલા જ તેની વિસ્ફોટક બેટિંગથી લોકોને પ્રભાવિત કર્યા હતા. 

આ છે અફઘાનિસ્તાનનો ઓલરાઉન્ડર અઝમતુલ્લા ઓમરઝાઈ, જેણે શ્રીલંકા સામેની પ્રથમ ODIમાં વિસ્ફોટક સદી ફટકારી હતી. શ્રીલંકાના 382 રનના જવાબમાં જ્યારે અફઘાન ટીમે 55 રનમાં 5 વિકેટ ગુમાવી દીધી હતી, ત્યારે 23 વર્ષના ઓમરઝાઈએ ​​ઈનિંગની જવાબદારી સંભાળી હતી અને 149 રન બનાવ્યા હતા.

વધુ વાંચો: રોચક છે રવીન્દ્ર જાડેજાની લવસ્ટોરી: રિવાબા સાથે આ રીતે થઈ હતી પહેલી મુલાકાત, લગ્નમાં થયું હતું હવાઈ ફાયરિંગ

ઓમરઝાઈએ ​​પોતાની ઈનિંગમાં 13 ચોગ્ગા અને 6 છગ્ગા એટલે કે 19 બાઉન્ડ્રી ફટકારી હતી. તેણે માત્ર 115 બોલમાં આ રન બનાવ્યા અને અંત સુધી અણનમ રહ્યો હતો. ઓમરઝાઈએ ​​મોહમ્મદ નબી (136) સાથે 242 રનની ભાગીદારી કરી હતી પરંતુ તેમ છતાં ટીમ જીતી શકી નહોતી. અફઘાનિસ્તાન 339 રન બનાવીને 42 રને મેચ હારી ગયું હતું.