Ayodhya Ram Mandir / અયોધ્યામાં આજથી વૈદિક મંત્રોચ્ચાર અને યજ્ઞ સાથે ધાર્મિક વિધિઓ શરૂ, તો દિલ્હીમાં પણ કરાશે સુંદરકાંડના પાઠનું આયોજન

• રામ મંદિર પ્રાણ પ્રતિષ્ઠા માટેની પૂજા વિધિ આજથી શરૂ. 
• વિપક્ષના નેતાઓ પણ ધાર્મિક પ્રવૃત્તિઓમાં ભાગ લેવાના છે. 
• દિલ્હીના મુખ્યમંત્રી અરવિંદ કેજરીવાલ આજે સુંદરકાંડના પાઠ કરશે. 

અયોધ્યામાં રામ મંદિરના ઉદ્ઘાટનની તૈયારીઓ જોરશોરથી ચાલી રહી છે. 22 જાન્યુઆરીએ રામ લલાના પ્રાણપ્રતિષ્ઠા સમારોહ માટે આજથી એટલે કે મંગળવારથી દેશભરમાં પૂજા અને ભજન કીર્તનનું આયોજન કરવામાં આવી રહ્યું છે. શ્રી રામ જન્મભૂમિ તીર્થ ક્ષેત્ર ટ્રસ્ટના જનરલ સેક્રેટરી ચંપત રાયે સોમવારે જણાવ્યું હતું કે 18 જાન્યુઆરીએ પ્રાણપ્રતિષ્ઠા થવા જઈ રહેલી પ્રતિભાને ગર્ભગૃહમાં તેમના આસન પર સ્થાપિત કરવામાં આવશે. 

अयोध्या में निर्माणाधीन श्रीराम जन्मभूमि मंदिर की विशेषताएं:

1. मंदिर परम्परागत नागर शैली में बनाया जा रहा है।

2. मंदिर की लंबाई (पूर्व से पश्चिम) 380 फीट, चौड़ाई 250 फीट तथा ऊंचाई 161 फीट रहेगी।

3. मंदिर तीन मंजिला रहेगा। प्रत्येक मंजिल की ऊंचाई 20 फीट रहेगी। मंदिर में कुल… pic.twitter.com/BdKNdATqF6

— Shri Ram Janmbhoomi Teerth Kshetra (@ShriRamTeerth) January 4, 2024

આજથી પૂજા વિધિ શરૂ થઈ ગઈ છે અને લોકો દેશભરમાં મંદિરો અને તેમના ઘરોમાં રામ ભજન ગાવા, સુંદરકાંડના પાઠ કરવા જેવી ધાર્મિક વિધિઓ કરી રહ્યા છે. આ દરમિયાન માત્ર ભાજપ જ નહીં, વિપક્ષના નેતાઓ પણ ધાર્મિક પ્રવૃત્તિઓમાં ભાગ લેવાના છે. જાણો ભગવાનને આવકારવા માટે કયા નેતાએ તૈયારી કરી છે.

રામ મંદિરના અભિષેક પહેલા દિલ્હીના મુખ્યમંત્રી અરવિંદ કેજરીવાલ આજે સુંદરકાંડના પાઠ કરશે. મંગળવારે દિલ્હીની તમામ 70 વિધાનસભા મતવિસ્તારોમાં સુંદરકાંડનો પાઠ કરવામાં આવશે. 

कल AAP पूरी दिल्ली में सुंदरकांड पाठ और हनुमान चालीसा का भव्य आयोजन करेगी।

आम आदमी पार्टी आप सभी को इस आयोजन का निमंत्रण देती है।

आशा है कि आप सभी इस पवित्र कार्य में ज़रूर सम्मिलित होंगे। pic.twitter.com/0z7eeu0XWR

— AAP (@AamAadmiParty) January 15, 2024

કોંગ્રેસ અધ્યક્ષ અને સોનિયા ગાંધી 22 જાન્યુઆરીએ અયોધ્યા નહીં જાય, પરંતુ આ દરમિયાન કોંગ્રેસના ઘણા નેતાઓએ સોમવારે સરયૂમાં ડૂબકી લગાવી છે. 

ઉત્તર પ્રદેશ કોંગ્રેસ અધ્યક્ષ અજય રાયના નેતૃત્વમાં ઘણા નેતાઓએ સરયુમાં સ્નાન કર્યું અને કહ્યું કે અમે રામ ભક્ત છીએ. તેઓ મંદિરના પ્રાણપ્રતિષ્ઠા કાર્યક્રમને રાજકીય રંગ આપવાનો વિરોધ કરે છે.

15 જાન્યુઆરીએ તેમના જન્મદિવસના અવસરે BSP વડા માયાવતીએ પ્રેસ કોન્ફરન્સમાં જણાવ્યું હતું કે તેમને રામ મંદિર પ્રાણ પ્રતિષ્ઠા સમારોહમાં હાજરી આપવાનું આમંત્રણ મળ્યું નથી. 

વધુ વાંચો: PHOTOS: પ્રાણ પ્રતિષ્ઠા પૂર્વે ઘરે બેઠાં કરો અયોધ્યા રામ મંદિર પરિસરના દર્શન, જુઓ લેટેસ્ટ તસવીરો

તો આ તરફ સમાજવાદી પાર્ટીના વડા અખિલેશ યાદવને પણ રામ મંદિરના અભિષેકમાં હાજરી આપવાનું આમંત્રણ મળ્યું છે પરંતુ તેમણે કહ્યું છે કે તેઓ 22 જાન્યુઆરીના કાર્યક્રમમાં હાજરી આપશે નહીં. સાથે જ કોંગ્રેસના નેતાઓએ પ્રાણ પ્રતિષ્ઠા કાર્યક્રમમાં આવવાની ના પાડી દીધી છે.