દેવું ભરપાઈની કવાયત / અનિલ અંબાણીએ રિલાયન્સ હોમને પણ વેચવા કાઢી, જાણો કઈ કંપનીએ કેટલા કરોડની લગાવી બોલી

• રિલાયન્સ હોમને ખરીદવા આથમ કંપનીની બોલી સૌથી વધારે
• મુંબઈની આ કંપનીએ 2900 કરોડમાં બોલી લગાવી
• બીજી પણ 3 કંપનીઓ રિલાયન્સ હોમને ખરીદવા લાઈનમાં
• રિલાયન્સ કેપિટલ પર 11,200 કરોડનું દેવું 

રિલાયન્સ હોમ ફાઈનાન્સ રિલાયન્સ કેપિટલની પેટા કંપની છે. સૂત્રોએ જણાવ્યું કે આથમની યોજના લાગુ થઈ તો બેન્ક ઓફ બડોદાની આગેવાનીમાં કંપનીને લોન આપનાર નાણાકીય ઋણદાતાઓને 2587 કરોડમાં રુપિયા શરુઆતમાં અને બાકીના 300 કરોડ રુપિયા બીજા વર્ષે  મળી જશે. 

કોણ કોણ છે હોડમાં 
સૂત્રોના જણાવ્યાનુસાર, આરેચએફની દોડમાં એઆરઈએસ એસએસજી, એસેટ્સ કેર એન્ડ રિકન્ટ્રક્શન એન્ટરપ્રાઈસ લિમિટેડ, એેવેન્યુ કેપિટલ પણ સામેલ છે. એવેન્યુએ તેના પ્રસ્તાવમાં એઆરસીઆઈએલ અને કૈપ્રી ગ્લોબલ કેપિટલને પણ સાથે રાખી છે. 

ધીરુભાઈ અંબાણીના દીકરા અનિલ અંબાણી એક જમાનામાં દેશના ત્રીજા સૌથી અમીર વ્યક્તિ હતા. 2007માં ફોર્બ્સમાં પ્રકાશિત રિપોર્ટ અનુસાર અનિલની નેટવર્થ 3ગણી વધીને 45 બિલિયન ડોલર પહોંચી હતી. તેઓ તે સમયે દેશના ત્રીજા સૌથી અમીર નાગરિક બની ગયા હતા. પછી સમયમાં તેઓ માત ખાતા ગયા અને ભાઈ મુકેશથી પણ પાછળ ચાલ્યા ગયા. તેમની નેટવર્થ હાલમાં શૂન્ય છે. 

સપ્ટેમ્બર 2019 આવતા તેમની પર 12.40 અરબ ડોલરનું દેવું

આ મહિને 62 વર્ષના થયેલા અનિલ 2008મા 42 અરબ ડોલરની સાથે વિશ્વના હિલિનેયર ક્લબનો ભાગ બન્યા હતા. પરંતુ સપ્ટેમ્બર 2019 આવતા તેમની પર 12.40 અરબ ડોલરનું દેવું થયું. આ સમયે યૂકેની એક કોર્ટમાં તેમની તરફથી કહેવાયું કે તેમની નેટવર્થ શૂન્ય છે. તેમના ભાઈ સતત સફળતા મેળવી રહ્યા છે. 2018માં મુકેશ અંબાણીની નેટવર્થ 43 અરબ ડોલર હી જે આ સમયે 82 અરબ ડોલર સુધી પહોંચી છે.