અમેરિકા / ઓહિયોના ડેટૉન શહેરમાં ગોળીબારી, 9 લોકોના મોત, કેટલાક ઘાયલ

આ ઓછામાં ઓછા 9 લોકોના મોત થયા છે જ્યારે કેટલાક લોકો ઘાયલ થયા હોવાનું જાણવા મળ્યું છે. આ ઘટનામાં શંકાસ્પદ વ્યક્તિ પણ માર્યો ગયો છે. ડેટૉન પોલીસે ટ્વિટ કરીને જાણકારી આપી છે કે 16 ઘાયલ લોકોને હોસ્પિટલ લઇ જવામાં આવ્યા છે. 

#OregonDistrict #update Lt. Col. Carper: at 1:22am active shooter situation began in oregon district. The shooter is deceased. There are 9 others also deceased. At least 16 others went to area hospitals with injuries.

— Dayton Police Dept. (@DaytonPolice) August 4, 2019

આ પહેલા અમેરિકાના ટેક્સાસના અલ પાસો શબેરમાં ભીડ પર ગોળીબારની એક ઘટનામાં 20 લોકોનાં મોત થયા હતા અને 26 લોકો ઘાયલ થયા હતા. પ્રશાસને જણાવ્યું કે 21 વર્ષીય એક શંકાસ્પદ પોલીસની કસ્ટડીમાં છે. આ નરસંહાર શનિવારે શહેરમાં સીલો વિસ્ટા મૉલની પાસે એર વોલમાર્ટ સ્ટોરમાં થયો. આ જગ્યા અમેરિકા મેક્સિકો સીમાથી થોડાક માઇલ દૂર આવેલું છે. 

એક 21 વર્ષના શંકાસ્પદ વ્યક્તિને કસ્ટડીમાં લેવામાં આવ્યો છે અને હુમલાખોર એકલો બંદૂકધારી માનવામાં આવી રહ્યો છે. ટેક્સાસના ગવર્નર ગ્રેગ એબોટે શંકાસ્પદને પકડનાર પોલીસ અધિકારીઓના વખાણ કર્યા. અલપાસોની 6,80,000ની આબાદીમાં 83 ટકા લોકો હિસ્પેનિક મૂળનો છે. 

જે સમયે હુમલો થયો એ સમયે વોલમાર્ટમાં સ્કૂલ સંબંધિત વસ્તુઓ ખરીદનાર લોકોની ભીડ હતી. મેક્સિકોના રાષ્ટ્રપતિ મેનુઅલ લોપેજ ઓબ્રેડોરે કહ્યું કે ગોળીબારમાં મરનારમાં 3 મેક્સિકોના છે. પરંતુ એમની પુષ્ટિ કરવામાં આવી રહી છે.