- આસિફ અલીએ કર્યો ફેન સાથે ઉદ્ધત વ્યવહાર
- એરપોર્ટ પર સેલ્ફી લેવા માંગતો હતો ફેન
- એશિયા કપમાં મેચમાં પણ અફઘાનિસ્તાનના ખેલાડીને બતાવ્યું હતું બેટ
આસિફ અલીએ કર્યો ફેન સાથે ઉદ્ધત વ્યવહાર
એશિયા કપ 2022માં મારપીટ પર ઉતરી ગયેલ પાકિસ્તાની ક્રિકેટર આસિફ અલી એકવાર ફરી વિવાદોમાં ઘેરાઈ ગયો છે. આસિફ અલીએ એરપોર્ટ પર ફેન્સ સાથે ઉદ્ધત વ્યવહાર કર્યો છે. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. જણાવી દઈએ કે આ પહેલા એશિયા કપ 2022માં અફઘાનિસ્તાન સામે સુપર 4ની મેચ દરમિયાન પાકિસ્તાની ક્રિકેટર આસિફ અલીએ અફઘાની ફાસ્ટ બોલર ફરીદ અહમદ માલિકને મારવા માટે બેટ ઉઠાવ્યું હતું.
એરપોર્ટ પર સેલ્ફી લેવા માંગતો હતો ફેન
એશિયા કપ 2022નાં ફાઇનલમાં શ્રીલંકાની ટીમે પાકિસ્તાનને 23 રનથી માત આપીને છઠ્ઠી વાર ખિતાબ પોતાને નામ કર્યો છે. એશિયા કપમાં ખરાબ રીતે હાર્યા બાદ પાકિસ્તાની ક્રિકેટ ટીમ હવે પોતાના દેશ પછી ફરી તો એરપોર્ટ પર પાકિસ્તાની ક્રિકેટર આસિફ અલીએ એક ફેન સાથે ઉદ્ધત વ્યવહાર કર્યો. એરપોર્ટ પર એક ફેન આસિફ અલી સાથે સેલ્ફી લેવા માંગતો હતો, પણ આ દરમિયાન જ્યારે ફેને આસિફ અલીનો હાથ પકડ્યો ત્યારે તેમણે તરત જ ગુસ્સામાં પોતાનો હાથ ઝાટકી લીધો અને ફેનને ગુસ્સાથી ઘૂરવા લાગ્યા. આસિફ અલી આ હરકત બાદ સોશિયલ મીડિયા પર ટ્રોલ થવા લાગ્યા છે.
એશિયા કપમાં મારવા માટે ઉઠાવ્યું હતું બેટ
એશિયા કપ 2022માં અફઘાનિસ્તાન સામે સુપર 4ની મેચમાં પાકિસ્તાનના બેટ્સમેન આસિફ અલી અફઘાની બોલર ફરીદ અહમદના બોલ પર મોટો શૉટ મારવાના ચક્કરમાં આઉટ થઈ ગયા. અફઘાની બોલર ફરીદ અહમદે ત્યાર બાદ આસિફ અલી તરફ આક્રામક અંદાજમાં ખુશી મનાવી. ત્યાર બાદ આસિફ અલીએ પહેલા તો તેમને ધક્કો માર્યો અને પછી તેને પોતાનું બેટ પણ બતાવ્યું. ત્યાર બાદ અફઘાનિસ્તાનના બીજા ખેલાડીઓએ આવીને તેમને રોક્યા.
