કચ્છ / ગાંધીધામમાં આંગડિયા પેઢીમાં લૂંટ, હેલ્મેટ પહેરીને આવેલા 4 શખ્સો 1 કરોડની લૂંટ કરી ફરાર, પોલીસ તપાસમાં લાગી

• ગાંધીધામમાં વધુ એકવાર આંગડિયા પેઢીમાં લૂંટ
• ગાંધીધામની પીએમ આંગડિયા પેઢીમાં લૂંટ 
• અંદાજે એક કરોડની લૂંટ કરીને 4 શખ્સો ફરાર

કચ્છના ગાંધીધામમાં વધુ એક આંગડિયા પેઢીમાં લૂંટ થયાની ઘટના સામે આવી છે. PM આંગડિયા પેઢીમાં અંદાજે 1 કરોડની લૂંટ કરી 4 શખ્સો ફરાર થયાની વિગતો છે. અત્રે તમને જણાવી દઈએ કે,  હેલ્મેટ પહેરીને આવેલા શખ્સોએ લૂંટને અંજામ આપ્યો છે. જો કે, ગાંધીધામ પોલીસે ઘટનાસ્થળે પહોંચી કાર્યવાહી હાથ ધરી છે.

ગાંધીધામમાં આંગડિયા પેઢીમાં લૂંટ, હેલ્મેટ પહેરીને આવેલા 4 શખ્સો 1 કરોડની લૂંટ કરી ફરાર થયા, પોલીસે ઘટનાસ્થળે પહોંચી હાથ ધરી કાર્યવાહી#Gandhidham #PMangaliya #vtvgujarati pic.twitter.com/DtfAArKx6c

— VTV Gujarati News and Beyond (@VtvGujarati) May 22, 2023

પિસ્તાલ બતાવી લૂંટ ચલાવી
પાપ્ત વિગતો મુજબ જવાહર ચોકમાં ખન્ના માક્રેટ રોડ પર આવેલી પીએમ એન્ટરપ્રાઇઝ આંગડિયામાં લૂંટ ચલાવી છે. જ્યાં ભર બપોરે 4 લૂંટારૂઓ હેલ્મેટ પહેરીને આવી ગયા હતા અને લૂંટને અંજામ આપી ફરાર થઈ ગયા હતા. લૂંટારૂઓએ પિસ્તાલ બતાવી લગભગ 1 કરોડ લઈ ફરાર થયા છે. જે મામલે પોલીસને જાણ કરવામાં આવતા પોલીસ કાફલો ઘટનાસ્થળે પહોંચ્યો ગચો અને તપાસ હાથ ધરી છે.

ડીવાયએસપીનું નિવેદન
જે સમગ્ર બાબતે અંજાર ડીવાયએસપી મુકેશ ચૌધરીએ જણાવ્યું હતું કે, ગાંધીધામ એ ડિવિઝન પોલીસ વિસ્તારમાં આવેલી પીએમ આંગડિયા ખાતે બપોરે 3 વાગ્યાની આસપાસ એક લૂંટનો બનાવ બન્યો છે, જેમાં અંદાજે એકાદ કરોડ રૂપિયાની લૂંટ થઈ હોવાનું જાણવા મળ્યું છે. પોલીસ દ્વારા આરોપીઓની શોધખોળ અને તેઓ કઈ દિશામાં ભાગ્યા છે એ તમામ તપાસ ચાલુ છે.