- રાજકોટના ધારાસભ્ય ગોવિંદ પટેલનો નવો પત્ર
- વસતી વધી ચુકી છે,કેન્દ્રીય વિધ્યાલય આપો; પટેલ
- રાજકોટની વસતી 2.5 થી 25 લાખની; ગોવિંદ પટેલ
રાજકોટમાં પોલીસ કમિશન (ર) કાંડથી લાઈમ લાઈટમાં આવેલા ધારાસભ્ય અને પૂર્વ મંત્રી ગોવિંદ પટેલે વધુ એક વાર પત્ર લખી એક નવી માંગ કરી છે. જેમાં નવી કેન્દ્રીય વિદ્યાલય આપવા કરી માંગણી કરી છે. ધારાસભ્ય ગોવિંદ પટેલે પત્રમાં નોંધ્યું છે કે, હવે રાજકોટની વસ્તી 2.5 લાખમાંથી 20 લાખ થઈ ચૂકી છે. અને અનેક સરકારી કચેરીઓમાં બદલી પાત્ર કર્મચારીઓ છે. આ ઉપરાંત રાજકોટમાં એઇમ્સ બની રહી છે. ત્યારે નવી સેન્ટ્રલ સ્કૂલની આવશ્યકતાઓ છે. રાજકોટને વધુ એક કેન્દ્રીય વિધાલય આપવા માટે ગોવિંદ પટેલે માગણી કરી છે.
તોડકાંડમાં આગેવાની લીધી હતી
પોલીસ કમિશનર સામે કથિત તોડકાંડ બાદ રાજકોટ પોલીસ કમિશનર મનોજ અગ્રવાલની બદલી કરવામાં આવી છે. રાજ્ય સરકારે મનોજ અગ્રવાલને સિંગલ ઓર્ડરથી SRPF ટ્રેનિંગ સેન્ટર જૂનાગઢના પ્રિન્સિપલ તરીકે બદલી કરવામાં આવી છે. તેમજ રાજકોટ ક્રાઇમ બ્રાન્ચના તત્કાલીન PI વિરલ સહિત ત્રણ પોલીસ કર્મીઓને સસ્પેન્ડ કરવામાં આવ્યા છે. ત્યારે આ મામલે ભાજપના MLA ગોવિંદ પટેલે રાજ્ય સરકારનો આભાર માન્યો
સરકારે સખીયા પરિવારને ન્યાય અપાવ્યો: ગોવિંદ પટેલ
રાજકોટ પોલીસ કમિશનર સામે તોડકાંડ મામલે રાજ્ય સરાકરે કમિશનર મનોજ અગ્રવાલની બદલી કરવામાં આવી છે. આ મામલે ભાજપના ધારાસભ્ય ગોવિંદ પટેલે પોતાની પ્રતિક્રિયા આપતાં જણાવ્યું હતું કે, રાજકોટના ફરિયાદી આ વાત સરકારે સાંભળી છે. આ મામલે સરકારે તાત્કાલિક ન્યાય અપવાતા હું રાજ્ય સરકારનો આભાર માનું છું
