બોલિવૂડ / અમિતાભ બચ્ચને મહિલાઓના અંડરગારમેન્ટ્સને લઈને કહ્યું એવું કે ઊભો થયો વિવાદ, વર્ષો જૂના ટ્વિટના કારણે થઈ રહ્યા છે ટ્રોલ

• અમિતાભ બચ્ચન સોશિયલ મીડિયા પર ટ્રોલ
• વર્ષો જૂનાં પોતાના ટ્વીટને લીધે વિવાદનું બન્યા કારણ
• યૂઝર્સે કહ્યું, તમારાથી આવી આશા નહોતી

બિગ બી તરીકે જાણીતા એવા અમિતાભ બચ્ચન પોતાના સોશિયલ મીડિયા પર પોસ્ટ કરતાં રહેતાં હોય છે. દરરોજ કોઈને કોઈ વિષય પર ટ્વીટ પર કરતાં હોય છે જેનાં કારણે તેઓ સતત લાઈમ લાઈટમાં રહે છે. પરંતુ હાલમાં તેઓ પોતાના એક ટ્વિટનાં લીધે વિવાદનો વિષય બની ગયાં છે. તેમનો એક જૂનો ટ્વીટ હાલમાં ટ્રેંડ કરી રહ્યો છે જેમાં તેમણે મહિલાઓનાં અંડરગાર્મેંટ્સને લઈને ટિપ્પણી કરી હતી.

T26 -In the English language, why is 'bra' singular and 'panties' plural ...

— Amitabh Bachchan (@SrBachchan) June 12, 2010

બિગ બીનો ટ્વીટ વાયરલ
બિગ બીએ આ ટ્વીટ 2010ની સાલમાં કર્યો હતો. તેમણે આ ટ્વિટમાં એક પ્રશ્ન પૂછ્યો હતો. તેમણે લખ્યું કે, 'અંગ્રેજી ભાષામાં બ્રા એકવચન અને પેન્ટી બહુવચન શા માટે છે?' બિગ બીનો આ ટ્વીટ હાલમાં ખૂબ વાયરલ થઈ રહ્યો છે અને લોકો તેમને ટ્રોલ કરી રહ્યાં છે.

યૂઝર્સે કર્યું ટ્રોલ
અમિતાભ બચ્ચનનાં આ ટ્વીટને રિટ્વીટ કરતાં એક યૂઝરે પોસ્ટ કરીને લખ્યું કે, 'કોઈ તો જરૂરી સવાલ પૂછી રહ્યું છે.' તો અન્ય એ લખ્યું કે,' સારો સવાલ છે બચ્ચન સાહેબ, તેને KBCનાં આવનારા સીઝનમાં પૂછજો.' તો અન્ય એકએ લખ્યું કે 'તમારાથી આવી આશા નહોતી'

આ છે બિગ બીની અપકમિંગ ફિલ્મ
ટૂંક જ સમયમાં અમિતાભ બચ્ચન કોન બનેગા કરોડપતિની સીઝન 15 લઈને આવી રહ્યાં છે. બિગ બીએ હાલમાં જ કેબીસીનાં સેટનો ફોટો શેર કર્યો હતો. ફિલ્મોની વાત કરીએ તો અમિતાભ બચ્ચન નાગ અશ્વિનની કલ્કિ 2898 એડીમાં નજરે પડશે. આ ફિલ્મમાં તેમની સાથે પ્રભાસ, દીપિકા પાદુકોણ અને કમલ હસન લીડ રોલમાં રહેશે.