લોકસભા ચૂંટણી 2024 / 'ભાજપે પછાતવર્ગને અનામત આપવાનું કામ કર્યું' OBC અનામત મુદ્દે કોંગ્રેસને અમિત શાહે આપ્યો જવાબ

ગુજરાતમાં લોકસભા ચૂંટણીને લઈ મતદાનને ગણતરીના દિવસો બાકી રહ્યા છે. ત્યારે પ્રચારની ધૂરા કેન્દ્રીય ગૃહમંત્રી અને ગાંધીનગર બેઠકના ઉમેદવાર અમિત શાહે સંભાળી છે. જેઓ આજે સવારથી વિવિધ બેઠકો પર જંજાવતી પ્રચાર કરી રહ્યાં છે. તેમણે પંચમહાલના ગોધરામાં સભા યોજી કોંગ્રેસ પર આકરા પ્રહાર કર્યા હતાં તેમજ OBCને મુદ્દે રાહુલ ગાંધી પર આકરા પ્રહારો કર્યો હતા.

OBC અનામતને લઇને અમિત શાહે આપ્યો જવાબ

400 બેઠક આવશે તો અનામત ખત્મ કરી નાંખશેના કોંગ્રેસ અને રાહુલ ગાંધીના નિવેદનનો કેન્દ્રીય ગૃહમંત્રી અમિત શાહે ફરી એક વાર ગોધરામાં સણસણતો જવાબ આપ્યો છે. અમિત શાહે કહ્યું કે કોંગ્રેસ OBC-OBC કરે છે પણ તે પક્ષે અને રાજીવ ગાંધીએ અનામતના વિરોધમાં નિર્ણય લીધા અને અનામતના લાભથી વંચિત રાખ્યા છે. ભાજપે પછાતવર્ગને અનામત પહોંચાડવાનું કામ કર્યુ છે. અનામતને લઇને કોંગ્રેસ ભ્રમ ફેલાવે છે.

વાંચવા જેવું: આતંકી કસાબને ફાંસી અપાવનારા ઉજ્જવલ નિકમને ભાજપે ટિકિટ આપી, પૂનમ મહાજનનું પત્તુ કપાયું

'કોંગ્રેસ પાર્ટીએ ઓબીસી વિરોધી પાર્ટી છે'

તેમણે કહ્યું કે, કોંગ્રેસ પાર્ટીએ ઓબીસી વિરોધી પાર્ટી છે. રાહુલ ગાંધીને કોઈએ પકડાવી દીધું છે કે, ઓબીસ-ઓબસી કરે છે. પરંતુ તેને ઈતિહાસ વાંચવો જોઈએ. કહ્યું કે, કોંગ્રેસે કાકા સાહેબ કાલેલકર કમિશનને દબાવી રાખ્યું ક્યારે અનામત ન આપી. જ્યારે અનામત આપવાનો નિર્ણય કર્યો ત્યારે રાજીવ ગાંધીએ વિરોધ કર્યો હતો. જ્યારે નરેન્દ્ર મોદીએ ઓબીસી કમિશન બનાવીને પક્ષીપંચને સંવૈધાનિક માન્યતા આપવાનું કામ કર્યું છે.