- અમિત શાહ પહોંચ્યાં રાજસ્થાન
- જનસંબોધન દરમિયાન કોંગ્રેસ પર કર્યાં પ્રહારો
- કહ્યું ગહલોત સરકાર ભ્રષ્ટ સરકારોમાંની એક છે
ભાજપનાં વરિષ્ઠ નેતા અને કેન્દ્રીય ગૃહમંત્રી અમિત શાહે શનિવારે રાજસ્થાનનાં ભરતપુર સંભાગનાં બૂથ કાર્યકર્તાઓને સંબોધિત કર્યું. આ દરમિયાન શાહે કોંગ્રેસ નેતા સચિન પાયલટ અને રાજસ્થાનનાં મુખ્યમંત્રી અશોક ગહલોતની વચ્ચે ચાલી રહેલા વૉર પર પણ કટાક્ષ કર્યો. ગૃહમંત્રીએ કહ્યું ભૈયા શા માટે લડી રહ્યાં છે, સરકાર તો ભાજપની બની રહી છે. જે વસ્તુ છે જ નહીં તેના માટે લડી રહ્યાં છે.
પાયલટ અને ગહલોત પર સાધ્યું નિશાન
અમિત શાહે કહ્યું કે પાયલટ સાહેબ તમે ગમે તેટલું કરો તમારો નંબર નહીં આવે. તમારો કોન્ટ્રીબ્યૂશન જમીન પર વધારે હોઈ શકે છે પરંતુ કોંગ્રેસનાં ખજાનામાં ગહેલોત સાહેબનું કોન્ટ્રીબ્યૂશન વધારે છે. ગહેલોત સાહેબનાં ભ્રષ્ટાચારનો પૈસો કોંગ્રેસનાં ખજાનામાં જાય છે.
કોંગ્રેસ સરકાર પર કર્યાં તીખા પ્રહારો
ગૃહમંત્રીએ કહ્યું કે તેઓ કારણવિના ઝઘડી રહ્યાં છે. પાયલટ સાહેબનો નંબર નહીં આવે. પાયલટ સાહેબ CM બનવા ઈચ્છે છે અને ગહલોત સાહેબ બનવા નહીં દે.. તેમણે કહ્યું કે આ સરકારમાં આયોજનબદ્ધ દંગા થયા હતાં. વોટ લેવા માટે હાઈકોર્ટમાં અપીલ પણ કરવામાં ન આવી. બ્લાસ્ટ ગુજરાતમાં પણ થયાં હતાં પરંતુ કોર્ટથી સજા મળી. પરંતુ સરકારે વોટબેંક માટે લોબીંગ કર્યું નથી. તેમણે કહ્યું કે કોંગ્રેસ 3Dથી ચાલે છે. દંગો, મહિલાઓ સાથે દુર્વ્યવહાર અને દલિતો પર અત્યાચાર. ગૃહમંત્રીએ કહ્યું કે ગહલોત સરકાર રાજસ્થાનમાં આઝાદી બાદ આવેલી ભ્રષ્ટમાં ભ્રષ્ટ સરકારોમાંની એક છે. મને વિશ્વાસ છે કે રાજ્યમાં 2/3 બહુમતથી સરકાર બનશે.
