ગાંધીનગર / ડાંગમાં આંતરિક વિખવાદ વચ્ચે ગુજરાત ભાજપે ત્રણ નવા જીલ્લા પ્રમુખોની નિમ્યા,જુઓ કોને સોંપી કમાન

• ગુજરાત  ભાજપ દ્વારા ત્રણ નવા જીલ્લા પ્રમુખોની વરણી કરાઈ
• ડાંગ, ગીર સોમનાથ અને પોરબંદરના જિલ્લા પ્રમુખોની વરણી કરાઈ
• થોડા સમય પહેલા જ ડાંગ જીલ્લા ભાજપ પ્રમુખે રાજીનામું આપ્યું હતું

ગુજરાત પ્રદેશ ભાજપ દ્વારા છેલ્લા ઘણા સમયથી સંગઠનમાં ફેરફાર કરવામાં આવી રહ્યા છે. ત્યારે ભાજપે ડાંગ,  પોરબંદર અને ગીર સોમનાથનાં નવા જીલ્લા પ્રમુખોની નિમણૂંક કરી હતી. ત્યારે થોડા સમય પહેલા જ અંદરો અંદરના વિખવાદનાં કારણે ડાંગ જીલ્લા ભાજપ પ્રમુખે રાજીનામું આપ્યું હતું. ત્યારે તેઓએ ભ્રષ્ટ્રાચારનાં આક્ષેપો પણ કર્યા હતા. ત્યારે આજે પ્રદેશ અધ્યક્ષ સી.આર.પાટીલ દ્વારા ત્રણ નવા પ્રમુખોની નિમણૂંક કરી હતી.

પ્રદેશ અધ્યક્ષ શ્રી @CRPaatil દ્વારા ડાંગ, ગીર સોમનાથ અને પોરબંદર જિલ્લાના જિલ્લા પ્રમુખશ્રીઓની નિમણૂક કરવામાં આવી.

નવનિયુક્ત જિલ્લા પ્રમુખશ્રીઓને અભિનંદન સહ શુભેચ્છાઓ pic.twitter.com/kfEjAAt3HF

— BJP Gujarat (@BJP4Gujarat) April 5, 2023

મારા મતે રિબાવા કરતાં રાજીનામું આપી દેવું સારુંઃદશરથ પવાર
ડાંગ જિલ્લાનાં આઠ હોદ્દેદારોએ એક સાથે રાજીનામુ આપી દેતા જિલ્લામાં રાજકીય સ્તરે ભૂકંપ આવી ગયો છે. આ સાથે જ ડાંગ જિલ્લામાં કુલ 13 લોકોનાં રાજીનામા પડ્યાં છે. ડાંગ જિલ્લાનાં ભાજપ પ્રમુખ પદ ઉપરથી રાજીનામા બાદ દશરથ પવારે કહ્યું. છેલ્લા બે મહિનાથી ભ્રષ્ટાચાર વિરુદ્ધ અવાજ ઉઠાવતો હતો. અને આખરે મે રાજીનામું આપવાનું જ યોગ્ય સમજ્યું. મારા મતે રિબાવા કરતાં રાજીનામું આપી દેવું સારું.