આદેશ / GPSCમાંથી જયેશ પટેલની એક જ મહિનામા બદલી, સાથે વર્ગ 1ના અન્ય ચાર અધિકારીઓનું પણ ટ્રાન્સફર, જુઓ લિસ્ટ

• GPSC માથી જયેશ પટેલની એક જ મહિનામા બદલી
• એક મહિના પહેલા જ સંયુક્ત સચિવ તરીકે જીપીએસસીમા મુકાયા હતા પટેલ
• જયેશ પટેલને પુનઃ ઉદ્યોગ અને ખાણ  વિભાગમા મુકવામાં આવ્યા

રાજ્યમાં સામાન્ય વહીવટ અને સચિવાલય સેવા સંવર્ગ કલાસ વનમાં ફરજ બજાવતા અધિકારીઓની બદલીના આદેશ છૂટયા છે. જેમાં GPSC માથી જયેશ પટેલની એક જ મહિનામા બદલી કરી દેવામાં આવી છે. જેને પુનઃ ઉદ્યોગ અને ખાણ  વિભાગમા મુકવામાં આવ્યા છે.  મહત્વનું છે કે એક મહિના પહેલા જ જયેશ પટેલને સંયુક્ત સચિવ તરીકેના ચાર્જ સાથે જીપીએસસીમા મુકવામાં આવ્યા હતા. ત્યારબાદ ટૂંક સમયમાં તેઓને ફરી ઉદ્યોગ અને ખાણ  વિભાગમા ફરજ સોંપવામાં આવી છે. 

સચિવાલય સેવા સવર્ગ ના વર્ગ ૧ ના અન્ય ચાર અધિકારીઓની પણ બદલી

આ સાથે સચિવાલય સેવા સવર્ગ ના વર્ગ ૧ ના અન્ય ચાર અધિકારીઓની પણ બદલીના હુકમ થયા છે. જેમાં ઉદ્યોગ અને ખાણ ખનીજ વિભાગના નાયબ સચિવ આથમેશ કણસાગરા તથા કૃષિ ખેડૂત કલ્યાણ અને સહકાર વિભાગના નાયબ સચિવ કાનન પંડ્યા અને શહેરી વિકાસ અને શહેરી ગૃહ નિર્માણ વિભાગના ઉપસચિવ કૃણાલ ઉપાધ્યાય તથા વન અને પર્યાવરણ વિભાગના ઉપસચિવ પ્રસુન્ન પટેલને ડેપ્યુટેશનના ધોરણે ગુજરાત જાહેર સેવા આયોગ ગાંધીનગર ખાતે સંયુક્ત સચિવ/ નાયબ સચિવ તરીકે નિમણૂક જાહેર સેવા આયોગ હસ્તક મુકવામાં આવ્યા છે.