અમદાવાદને દેશનું હેરિટેજ સીટી તરીકે ગણવામાં આવે છે. પરંતું અમદાવાદ શહેરનાં હેરિેટેજ બ્રિજ એવા એલીસબ્રિજના સ્ટ્રક્ચરને મજબૂત અને રિપેર કરવા માટે એએમસી દ્વારા ટેન્ડર પ્રક્રિયા પૂર્ણ કરી દેવામાં આવી છે. આગામી ટૂંક સમયમાં એલિસબ્રિજનું રીસ્ટોરેશન કરવાની કામગીરી હાથ ધરાશે.
Share
અમદાવાદનાં ઐતિહાસિક 130 વર્ષ જૂના હેરિટેજ એલિસબ્રિજને રૂા. 26.78 કરોડનાં ખર્ચે મજબૂત કરવામાં આવશે. એલિસબ્રિજને મજબૂત કર્યા બાદ વચ્ચેનો ભાગ લોકો માટે ખુલ્લો મુકવામાં આવશે. આક્ટિક્ચરલ એલીમેન્ટસ અંતર્ગત બ્રિજ પર ડેકોરેટીવ પ્લાન્ટેશન તથા બેઠક વ્યવસ્થા હશે. હેરિેટેજ સ્થળ તરીકે પણ આ બ્રિજને વિકસાવવામાં આવી રહ્યો છે.
હાલમાં એલિસ બ્રિજ ની પરિસ્થિતિ જર્જરિત
મ્યુનિસિપલ કોર્પોરેશનની રોડ એન્ડ બિલ્ડીંગ કમિટીમાં એલિસબ્રિજને સ્પેશ્યલ સ્ટ્રેધનિંગ અને રિસ્ટોરેશન કરવા અંગેની દરખાસ્ત મુકવામાં આવી છે. જેમાં 132 વર્ષ જૂના સ્ટીલ સ્ટ્રક્ચરનો બ્રિજ ખૂબ જ જૂનો તેમજ જર્જરિત થયો હોવાથી કન્સલ્ટન્ટનાં રિપોર્ટ બાદ જ બ્રિજને સ્પેશ્યલ સ્ટ્રેધનિંગ અને રિસ્ટોરેશન કરવાની જરૂરીયાત જણાતા ટેન્ડર પ્રક્રિયા હાથ ધરવામાં આવી હતી. જેમાં 27 કરોડનાં ખર્ચે એલીસબ્રિજ તૈયાર કરવાની કામગીરી હાથ ધરાશે.
બ્રિજને મજબૂત કરવા માટે ગર્ડરના જોઇન્ટ બદલવામાં આવશે
અમદાવાદ મ્યુનિસિપલ કોર્પોરેશન દ્વારા સાબરમતી નદી પર 132 વર્ષ પહેલા બનાવેલ સ્ટીલ સ્ટ્રક્ચનો એલિસબ્રિજ રૂા. 4 લાખમાં બનાવવામાં આવ્યો હતો. ત્યારે એલિસબ્રિજની પહોળાઈની 6.25 મીટર જ્યારે લંબાઈ 433.41 મીટર છે.
એક્ષપર્ટ પાસે રિપોર્ટ તૈયાર કરાવ્યા બાદ નિર્ણય લેવાયો
એલિસબ્રિજને થયેલ નુકસાન અંગેનો રિપોર્ટ એક્ષપર્ટ પાસે તૈયાર કરાવ્યા બાદ કોર્પોરેશન દ્વારા બ્રિજને રીસ્ટોરેશન કરવાની કામગીરી હાથ ધરવાની તજવીજ શરૂ કરવામાં આવી છે. ત્યારે મ્યુનિસિપલ કોર્પોરેશન દ્વારા સ્ટ્રેધનિંગ કામગીરીમાં મુખ્ય ટ્રસનાં જોઈન્ટ રીપેર કરાશે. તેમજ ગર્ડર, સ્ટ્રીન્જર્સ તેમજ જોઈન્ટ બદલવામાં આવશે.
