મનોરંજન / બેક ટુ બેક ફ્લોપ ફિલ્મોથી ડરી ગયો ખેલાડી કુમાર? મોટા પડદા પર રિલીઝ નહીં થાય 'ઓહ માય ગોડ 2'

• 'ઓહ માય ગોડ 2' મોટા પડદા પર રિલીઝ નહીં થાય ?
• પોતાની ફિલ્મોના ફ્લોપ ગ્રાફને જોઈને ડરી ગયો અક્ષય કુમાર
• ઓહ માય ગોડ 2 ટૂંક સમયમાં OTT પર રિલીઝ થશે

હાલ એવું લાગી રહ્યું છે કે અક્ષય કુમારનો સમય સારો નથી ચાલી રહ્યો. આપણએ બધા જાણીએ છીએ કે અક્ષયની સમ્રાટ પૃથ્વીરાજ, રામ સેતુ અને બચ્ચન પાંડે જેવી અભિનેતાની ફિલ્મો બોક્સ ઓફિસ પર ફ્લોપ રહી હતી અને વર્ષ 2022ના અંતમાં રિલીઝ થયેલી અક્ષયની ફિલ્મ 'સેલ્ફી' પણ ખરાબ રીતે પીટાઈ ગઈ હતી. 

'ઓહ માય ગોડ 2' મોટા પડદા પર રિલીઝ નહીં થાય ?
આ બધા વચ્ચે એવું લાગી રહ્યું છે કે અક્ષય કુમાર પોતાની ફિલ્મોના ફ્લોપ ગ્રાફને જોઈને ડરી ગયો હશે અને અભિનેતાએ તેની મોસ્ટ અવેટેડ ફિલ્મ 'ઓહ માય ગોડ 2'ને મોટા પડદા પર રિલીઝ ન કરવાનો નિર્ણય લીધો છે. 

Akshay Kumar’s #OhMyGod2 will be Direct OTT Release soon on Voot/Jio Cinema. pic.twitter.com/ybXvXLai4P

— Christopher Kanagaraj (@Chrissuccess) March 16, 2023

OTT પર રિલીઝ થશે 'ઓહ માય ગોડ 2' !
નોંધનીય છે કે ઓહ માય ગોડ એટલે કે OMG અક્ષય કુમારની શાનદાર ફિલ્મોમાંથી એક રહી છે જેની સિક્વલ બનાવવાની માંગ પણ જોરશોરથી ચાલી રહી છે. આ ફિલ્મની સિક્વલ એટલે કે OMG 2 ટૂંક સમયમાં રિલીઝ થવા જઈ રહી છે પણ અક્ષય કુમારે ફિલ્મ ઓહ માય ગોડનો ભાગ 2 થિયેટરોમાં રિલીઝ ન કરવાનો નિર્ણય લીધો છે. આ ફિલ્મ સીધી OTT પ્લેટફોર્મ પર રિલીઝ થશે. જણાવી દઈએ કે પોસ્ટરના રૂપમાં ફિલ્મનો ફર્સ્ટ લુક શેર કરવા ઉપરાંત આ જાણકારી પણ આપવામાં આવી છે. ફિલ્મ એક્સપર્ટ ક્રિસ્ટોફર કનાગરાજે ટ્વિટ કર્યું છે કે ઓહ માય ગોડ 2 ટૂંક સમયમાં OTT પર રિલીઝ થશે. આ પ્લેટફોર્મ Voot/Jio સિનેમા પર રિલીઝ થઈ શકે છે.

#LetsCinema Exclusive: Akshay Kumar’s #OhMyGod2 (OMG 2) opts for Direct OTT release via Voot/Jio Cinema. pic.twitter.com/305sCH6Iqx

— LetsCinema (@letscinema) March 16, 2023

જણાવી દઈએ કે આ ટ્વીટ શેર થતાં જ ચાહકોએ તેને સિનેમાઘરોમાં રિલીઝ કરવાની માંગ કરી હતી. OMG 2 પહેલેથી જ ટ્વિટર પર ટ્રેન્ડ કરી રહ્યું છે જેમાં કેટલાક ચાહકોએ ટિપ્પણી કરી છે કે આ ફિલ્મ થિયેટર માટે યોગ્ય છે. તો કેટલાક ચાહકોએ લખ્યું કે અત્યારની પરિસ્થિતિ મુજબ ફિલ્મ OTT પર જ રિલીઝ થાય તો સારું.