IPL 2023 / ટીમ ઈન્ડિયા પછી IPLમાંથી પણ કપાઈ રહ્યું છે પત્તું! કેપ્ટન રહી ચૂકેલ આ ખેલાડીને ધોની નથી આપી રહ્યો તક

• ટીમ ઈન્ડિયાની કેપ્ટનશીપ પણ કરી ચૂક્યો છે રહાણે 
• અજિંક્ય રહાણે IPL 2023માં ચેન્નાઈ સુપર કિંગ્સ ટીમનો ભાગ છે
• સિઝનની બીજી મેચમાં પણ પ્લેઇંગ 11માં ન મળ્યું સ્થાન 

ગઇકાલે IPLમાં ચેન્નાઈ સુપર કિંગ્સ અને લખનૌ સુપર જાયન્ટ્સ વચ્ચે રમાઈ હતી. ચેન્નાઈના કેપ્ટન એમએસ ધોનીએ આ મેચમાં પણ તે જ પ્લેઈંગ 11 રમવાનો નિર્ણય કર્યો હતો. આવી સ્થિતિમાં ટીમ ઈન્ડિયામાં જગ્યા બનાવવા માટે સંઘર્ષ કરી રહેલા ખેલાડીને IPL 2023માં ફરી એકવાર રમવાની તક મળી  નહતી. 

ટીમ ઈન્ડિયાની કેપ્ટનશીપ પણ કરી ચૂક્યો છે રહાણે 
જણાવી દઈએ કે ટીમ ઈન્ડિયાનો અનુભવી બેટ્સમેન અજિંક્ય રહાણે IPL 2023માં ચેન્નાઈ સુપર કિંગ્સ ટીમનો ભાગ છે. પરંતુ તે સિઝનની બીજી મેચમાં પણ પ્લેઇંગ 11માં પોતાનું સ્થાન બનાવવામાં નિષ્ફળ રહ્યો હતો.  આ ખેલાડી ઘણી વખત ટીમ ઈન્ડિયાની કેપ્ટનશીપ પણ કરી ચૂક્યો છે. 

Tata IPL - ab aapke jeb mein. Watch India’s biggest tournament for free only on JioCinema. Aise nahi dekha toh kya dekha?

Experience the digital IPL on JioCinema for free#IPLonJioCinema #Collab https://t.co/QoVhnckpS3

— Ajinkya Rahane (@ajinkyarahane88) March 16, 2023

ટીમ ઈન્ડિયા માટે છેલ્લી મેચ વર્ષ 2022માં રમાઈ હતી
અજિંક્ય રહાણે પણ હાલમાં ટીમ ઈન્ડિયામાંથી બહાર ચાલી રહ્યો છે એવામાં IPLની આ સિઝન તેની કારકિર્દી માટે ઘણી મહત્વની છે. એવામાં હાલ તે  હવે તે IPLમાં રમવા માટે પણ સંઘર્ષ કરી રહ્યો છે. રહાણેએ ટીમ ઈન્ડિયા માટે તેની છેલ્લી મેચ ગયા વર્ષની શરૂઆતમાં દક્ષિણ આફ્રિકા સામે રમી હતી, ત્યારથી તેને ટીમની બહાર રાખવામાં આવી રહ્યો છે. 

વાર્ષિક કરારોની યાદીમાં પણ ન મળ્યું સ્થાન 
નોંધનીય છે કે ભારતીય ક્રિકેટ બોર્ડ (BCCI) એ વર્ષ 2022-23 માટે વાર્ષિક કરારોની યાદી જાહેર કરી છે. આ વાર્ષિક કરારમાંથી પણ અજિંક્ય રહાણેનેસામે લ્ કરવામાં આવ્યો નથી. આવી સ્થિતિમાં અજિંક્ય રહાણે માટે ટીમ ઈન્ડિયામાં વાપસી કરવી વધુ મુશ્કેલ લાગી રહી છે. 

After a good session at the nets! pic.twitter.com/23dFsupmdl

— Ajinkya Rahane (@ajinkyarahane88) March 5, 2023

ટીમ ઈન્ડિયાના અત્યાર સુધીના આંકડા 
અજિંક્ય રહાણેએ ભારતીય ટીમ માટે 82 ટેસ્ટ મેચોમાં 4931 રન, 90 વનડેમાં 2962 રન અને 20 ટી-20 મેચમાં 375 રન બનાવ્યા છે. અજિંક્ય રહાણે ઘણી વખત ટીમ ઈન્ડિયાની કેપ્ટનશીપ પણ કરી ચૂક્યો છે સાથે જ ટેસ્ટ ક્રિકેટમાં લાંબા સમય સુધી ટીમ ઈન્ડિયાનો વાઈસ કેપ્ટન પણ રહ્યો છે. ટીમ ઈન્ડિયાએ વર્ષ 2020-21માં ઓસ્ટ્રેલિયામાં 2-1થી શ્રેણી જીતી હતી. તે સમયે ટીમનો કેપ્ટન અજિંક્ય રહાણે હતો.