દોષિતો દંડાશે / 14 વર્ષે આજે ન્યાયનો દિવસ: અમદાવાદ બ્લાસ્ટ કેસમાં થશે સજાની સુનાવણી, કોર્ટ પાસે સરકારે કડક સજાની કરી માંગ

• વર્ષ 2008ના સિરિયલ બ્લાસ્ટ કેસનો મામલો
• આજે ખાસ અદાલત કરશે સજાનું એલાન 
• 49 દોષિતોને સજાનું કોર્ટ એલાન કરશે 

વર્ષ 2008માં થયેલા અમદાવાદ સિરિયલ બોમ્બ બ્લાસ્ટ કેસમાં કોર્ટે સપ્તાહ અગાઉ ચુકાદો આપ્યા બાદ હવે ખાસ અદાલત આજે સજાનું એલાનનું એલાન કરી શકે છે. 14 વર્ષની લાંબી લડત બાદ સ્પેશિયલ કોર્ટ ચુકાદો આપશે.  11 ફેબ્રુઆરીએ સજાનાં એલાન પર કોર્ટ દ્વારા તમામ 49 દોષિતોનો પક્ષ સાંભળવામાં આવ્યો છે. દોષિતોના વકીલ વિશેષ અદાલત સમક્ષ આરોપી તરફથી પોતાની રજૂઆત કોર્ટ સમક્ષ કરી. જેમાં કોર્ટ તમામ પક્ષની રજૂઆત એક બાદ એક સાંભળી જેના કારણે દોષિતોની સજાના એલાન પર હજુ વધુ સમય લાગી રહ્યો છે.આજે શુક્રવારના રોજ 14 વર્ષથી ન્યાયની રાહ જોતા હજારો પરિવારો ન્યાય મળી શકે છે. વિશેષ કોર્ટમાં બચાવ પક્ષ અને સરકાર પક્ષની તમામ રજૂઆતો અને દલીલો રજૂ થઈ ચૂકી છે.  

સરકારે કડક સજાની કરી છે માંગ
49 લોકોને બ્લાસ્ટ મામલે દોષિત જાહેર કરવામાં આવ્યા હતા જ્યારે 28 આરોપીઓને પૂરાવાના અભાવે નિર્દોષ છોડવામાં આવ્યા હતા. રાજ્ય સરકારે પણ દોષીને કડક સજા થાય તેવી માંગ કરી છે. આમ 49 લોકોને બ્લાસ્ટ મામલે દોષિત જાહેર કરવામાં આવ્યા હતાં, જ્યારે 28 આરોપીઓને પૂરાવાના અભાવે નિર્દોષ છોડવામાં આવ્યા હતા. રાજ્ય સરકારે પણ દોષીને કડક સજા થાય તેવી માગ કરી છે. 

ફર્ધર સ્ટેટમેન્ટ 4700 પાનાંનું, 63 સાક્ષીઓની જુબાની લેવાઈ
ઉલ્લેખનીય છે કે અમદાવાદમાં વર્ષ 2008માં થયેલા સીરિયલ બ્લાસ્ટમાં 54 લોકોએ જીવ ગુમાવ્યો હતો. જયારે 244 લોકોને ગંભીર ઇજાઓ થઇ હતી. તેમજ રાજ્યના મંત્રી પ્રદીપ પરમાર પણ બૉમ્બ બ્લાસ્ટમાં ઘાયલ થયા હતાં. તેમજ આ બ્લાસ્ટ કેસમાં એક હજાર 163 સાક્ષીઓની જુબાની લેવાઈ છે. જ્યારે એક હજાર 237 સાક્ષીઓને સરકારે પડતા મુકયા છે. અત્યાર સુધીમાં આરોપીઓ સામે 521 ચાર્જશીટ થઈ છે. આ દરેક આરોપીઓનું ફર્ધર સ્ટેટમેન્ટ 4700 પાનાંનું છે.

આરોપીઓ વિરુદ્ધ કઈ કલમ?
ઇન્ડિયન પીનલ કોડ 1860 ની કલમ 120(બી), 121(એ),   124(એ), 153(ક)(૧)(ખ), 302, 307, 326, 435, 427, 465, 467, 471, 212 તથા એક્સપ્લોઝિવ સબસ્ટન્સ એકટ 1908 ની કલમ 3, 5, 6, 7 તથા અનલોફુલ એક્ટિવિટી પ્રિવેંશન એકટ 1967 ની કલમ   10, 13, 16, 18, 19, 20, 23, 38, 39, 40 તથા આર્મ્સ એકટ 1959 ની કલમ 25(1)(બી)(એ), 27 તથા ઇન્ફર્મેશન ટેકનોલોજી એકટ 2000 ની કલમ 65, 66 તથા ડેમેજ ટુ પબ્લીક પ્રોપર્ટી એકટ 1984 ની કલમ 3, 4 મુજબ ગુનો નોંધાયો હતો અને આરોપીઓ વિરુદ્ધ કાર્યવાહી કરવામાં આવી છે.

9 ફેબ્રુઆરીએ આ 49 દોષિતમાંથી 1 દોષિત અયાઝ સૈયદે તપાસમાં મદદ કરતાં તેને સજામાંથી મુક્તિ આપવામાં આવી છે. ત્યારથી અત્યાર સુધી સજાનાં એલાન માંટે આ ચોથી સુનાવણી છે.