આપઘાત / ત્રણ માસૂમ દીકરીઓને ફાંસીએ લટકાવીને માતાએ પણ ખાધો ગળેફાંસો, કારણ કંપાવનારુ

મધ્યપ્રદેશના ભોપાલમાં એક ખૂબ જ દર્દનાક ઘટના સામે આવી . અહીં એક મહિલાએ પોતાની ત્રણ માસૂમ દીકરીઓ સાથે ગળેફાંસો ખાઈ લીધો. આ ઘટનામાં મહિલા સહિત ત્રણના મોત થયા છે જ્યારે એક છોકરી હોસ્પિટલમાં દાખલ છે. તેની હાલત પણ નાજુક છે.

એક દિકરી હાલ સારવાર હેઠળ 

આ ઘટના મંગળવારે સવારે મધ્યપ્રદેશની રાજધાનીના ગુંગા પોલીસ સ્ટેશન વિસ્તારના રોંદિયા ગામમાં બની હતી. મૃતકોની ઓળખ સંજીતા (28), તેની પુત્રીઓ આરાધ્યા (5), સૃષ્ટિ (1.5 વર્ષ) તરીકે થઈ છે. 2.5 વર્ષની છોકરી મનુ (2.5 વર્ષ) હોસ્પિટલમાં દાખલ છે. તેની સારવાર ચાલી રહી છે. માહિતી મળતાં જ પોલીસે ઘટનાસ્થળે પહોંચીને ઘટનાની તપાસ શરૂ કરી હતી.

 7:30 વાગ્યે પોલીસને  માહિતી મળી કે રોંદિયા ગામમાં એક મહિલાએ તેના બાળકો સાથે ફાંસી લગાવી લીધી છે. આ અંગે પોલીસ તાત્કાલિક ઘટના સ્થળે પહોંચી હતી. પોલીસ કર્મીએ જણાવ્યું હતું કે આ ઘટનામાં  મહિલા અને બે દિકરીઓના  મોત થયા હોવાનું બહાર આવ્યું છે. જ્યારે. એક દિકરી  હોસ્પિટલમાં સારવાર હેઠળ છે. 

આ પણ વાંચોઃ LIVE વીડિયો કોલિંગમાં ભૂલથી મહિલા પહોંચી ગઇ બાથરૂમમાં, પછી જે થયું તે જાણીને ચોંકી જશો

અધિકારીએ કહ્યું, 'અત્યાર સુધીની પ્રારંભિક તપાસમાં અમને જાણવા મળ્યું છે કે મહિલા તેના સાસરિયાઓથી નારાજ હતી. તેનો પતિ દારૂ પીને તેને મારતો હતો. દહેજ અને ત્રણ દીકરીઓ હોવાના કારણે હેરાનગતિનો મામલો પણ સામે આવ્યો છે. અમે દરેક પાસાઓથી મામલાની તપાસ કરી રહ્યા છીએ અને જે પણ તથ્યો બહાર આવશે, કાયદા મુજબ કાર્યવાહી કરવામાં આવશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો