દુષ્પ્રચાર / ટેલિગ્રામ ચેનલની ગંદી હરકત, હિંદુ મહિલાઓને વૈશ્યાઓ કહીને તસવીરો શેર કરી, સરકારે તાબડતોબ કરી મોટી કાર્યવાહી

• બુલ્લી બાઈ એપ કેસમાં ધરપકડની ખબરોની વચ્ચે સનસની
• હવે ટેલિગ્રામ પર હિંદુ મહિલાઓને ટાર્ગેટ કરવાની ખબર
• ટેલિગ્રામ ચેનલમાં હિંદુ મહિલાઓને વૈશ્યાઓ કહેવામાં આવી 
• સરકારે ચેનલ બ્લોક કરી નાખી

મુસ્લિમ મહિલાઓની હરાજી કરતી બુલ્લી બાઈ એપનો વિવાદ હજુ તો શમ્યો નથી ત્યાં તો હવે હિંદુ મહિલાઓને ટાર્ગેટ કરતી ટેલિગ્રામ ચેનલ સામે આવતા ખળભળાટ મચ્યો છે. આ ટેલિગ્રામ ચેનલમાં હિંદુ મહિલાઓ વિશે અણછાજતી અને ગંદી કોમેન્ટ કરવામાં આવી છે. તથા મહિલાઓની તસવીર શેર કરીને તેમને વૈશ્યાઓ ગણાવાઈ રહી છે. 

Channel blocked. Government of India coordinating with police authorities of states for action. https://t.co/kCB6Ys8TI2

— Ashwini Vaishnaw (@AshwiniVaishnaw) January 5, 2022

શું છે ઘટના

મુંબઈના અંશુલ સક્સેના નામના એક શખ્સે મંગળવારે મુંબઈ પોલીસના ટ્વિટર હેન્ડલને ટેગ કરીને  જણાવ્યું કે એક ટેલિગ્રામ ચેનલ પર હિંદુ મહિલાઓની તસવીરો શેર કરીને ગંદી મજાક કરવામાં આવી રહી છે. આ ચેનલ પર દાવો કરાયો કે આ બધી હિંદુ વૈશ્યાઓ છે. અંશુલે ટ્વિટમાં જણાવ્યું કે હિંદુ  મહિલાઓને ટાર્ગેટ કરનાર આ ટેલિગ્રામ ચેનલ જુન 2021માં બનાવાઈ હતી. 

કેન્દ્ર સરકારે કરી આ કાર્યવાહી 
અંશુલ સક્સેનાની આ ફરિયાદ પર કેન્દ્ર સરકાર તાબડતોબ કાર્યવાહી કરીને છે. આઈટી મિનિસ્ટર અશ્વિની વૈષ્ણવે ટ્વિટ કરીને જણાવ્યું કે ટેલિગ્રામ ચેનલને બ્લોક કરી દેવાઈ છે. તેમણે કહ્યું કે ભારત સરકાર કાર્યવાહી માટે રાજ્યોની પોલીસ ઓથોરિટીના સંપર્કમાં છે. 

ચેનલ 6 મહિના પહેલા બનાવવામાં આવી હતી
હિન્દુ ભાવનાઓને ઠેસ પહોંચાડનારી અને ઉશ્કેરનારી ટેલિગ્રામ ચેનલ ગયા વર્ષે જૂનમાં બનાવવામાં આવી હતી. જ્યારે આઇટી મંત્રીને સ્ક્રીનશોટ અને તેના સંબંધિત સમાચારોમાં ટેગ કરવામાં આવ્યા ત્યારે તેમણે અત્યાર સુધી લેવામાં આવેલી કાર્યવાહી વિશે ટ્વીટ કરીને માહિતી પણ શેર કરી હતી. આરોપ છે કે જૂથના સભ્યોએ કથિત રીતે હિન્દુ મહિલાઓને નિશાન બનાવી હતી.