અવનવું / " મુઝવણ દૂર: આખરે ભારતના અબજોપતિ લોકો રૂપિયા વાપરે છે ક્યાં? કાર નહીં કાંડામાં ખર્ચે છે કરોડો"

વ્યાપાર જગતમાં ધનિક લોકોની વ્યાખ્યા કરવામાં આવે તો, એવાં લોકો જેમની સંપત્તિ 30 મીલીયન ડોલર કે તેનાથી વધુ હોય. તેવા લોકોને સુપર રીચ કેટેગરીમાં મુકવામાં આવે છે. ભારતમાં પણ  સુપર રીચ લોકોની સંખ્યામાં વધારો થયો છે.  લાંબા સમયથી સુપર રીચ લોકો મોંઘી લકઝરી ઘડિયાળ, ક્લાસિક કાર, ઈત્યાદી  વિવિધ વસ્તુઓ ખરીદવા કરવામાં  રસ દાખવતા હોય છે. આવી કોમોડિટીઝ સ્થાનિક અને વૈશ્વિક બજારોમાં સારું અને ઉત્તમ વળતર આપે છે. આમ ધનિતો પોતાના શોખની સાથે કમાણીનો રસ્તો પણ ખોલે છે. 

ભારતના સુપર રિચ લોકોની વાત કરવામાં આવે તો, ભારતના ધનિકો તેમની કુલ આવકના 17 ટકા જેટલી રકમ મોંઘી વસ્તુ ખરીદવામાં ખર્ચે છે. જેમાં પ્રથમ હરોળમાં મોંઘી લક્ઝરી ઘડિયાળોનો સમાવેશ થાય છે.  આ સાથે વિવિધ આર્ટીફેક્ટ્સ અને જ્વેલરીનો ક્રમ આવે છે.

નાઈટ ફ્રેન્ક ઈન્ડિયાના અહેવાલમાં જણાવાયું છે કે મોંઘી ઘડિયાળો. બાદ વિવિધ કલાકૃતિઓ અને લીમીટેડ એડીશન વાળા સોના ચાંદીના ઘરેણાં. 'ક્લાસિક' અને વિન્ટેજ કારનું  સ્થાન આવે છે. અનુક્રમે લક્ઝરી હેન્ડબેગ્સ, વાઇન, દુર્લભ વ્હિસ્કી, ફર્નિચર, રંગીન હીરા અને વિવિધ પ્રકારના એન્ટીંક સિક્કાનો સમાવેશ થાય છે.

વધુ વાંચવા જેવું: You Tubeથી કરવી છે બમ્પર કમાણી? તો અપનાવો આ ફોર્મ્યુલા, મળશે 1 હજાર વ્યુઝ પર આટલાં રૂપિયા

ભારતમાં પણ લક્ઝરી વસ્તુઓની માંગ વધી રહી છે

નાઈટ ફ્રેન્ક ઈન્ડિયાના અહેવાલ પ્રમાણે “ભારતનો સમૃદ્ધ વર્ગ લાંબા સમયથી વિવિધ શ્રેણીઓમાં આવતી વિવિધ  સંગ્રહ લાયક વસ્તુઓ સંગ્રહ કરવામાં  રસ દાખવે છે. આવી કોમોડિટીઝ સ્થાનિક અને વૈશ્વિક બજારોમાં સારૂ  વળતર પણ આપે છે. જેના કારણે ભારતનો શ્રીમંત વર્ગ સક્રિયપણે રસ લઈ રહ્યો છે. 
જો કે અહેવાલમાં ઉલ્લેખ કરવામાં આવ્યો છે કે પ્રોપર્ટીમાં રોકણકારોનો રસ પ્રથમ સ્થાને છે. આજે પણ પૈસાદાર લોકો મોટાભાગે પ્રોપર્ટી, ગોલ્ડ અને એસેટ ખરીદીમાં વધુ રસ ધરાવે છે.