સુરક્ષિત ક્યાં ? / જુહાપુરામાં દુકાને બિસ્કિટ લેવા ગયેલી 8 વર્ષની બાળકીની વિકૃત વ્યક્તિએ કરી છેડતી,આરોપી જેલના સળિયા પાછળ ધકેલાયો

• જુહાપુરામાં 8 વર્ષની બાળકીની છેડતી
• વેજલપુર પોલીસે આરોપીને ઝડપી પાડ્યો
• બાળકીએ માતાને ફરિયાદ કરતા મામલો આવ્યો સામે 

ગુજરાતમાં દિકરીઓ સુરક્ષિત ક્યાં છે ? દિકરીઓ અને મહિલાની સલામતીને લઇને અવારનવાર સવાલો ઉભા થાય છે. ક્યારેક નાની બાળકી તો ક્યારેય મહિલાઓ હવસનો શિકાર બને છે. તો ક્યારેક શાળાએ જતી દિકરીઓે અસામાજિક તત્વોના ત્રાસથી પરેશાન થવાનો વારો આવે છે. ત્યારે અમદાવાદમાં સેટેલાઇટ બાદ વધુ એક કિશોરી છેડતીનો ભોગ બની. 

જુહાપુરામાં કિશોરીની છેડતી કરનાર ઝડપાયો

પોલીસ કસ્ટડીમા જોવા મળતો આ આરોપી અજર આલમ છે.. આરોપી બિહારનો રહેવાસી છે. શહેરની અલગ અલગ હોટલમાં ફરીને મજૂરી કામ કરીને ગુજરાન ચલાવે છે..આરોપીએ જુહાપુરામાં રહેતી 8 વર્ષીની બાળકીની છેડતી કરતા હવે તેને જેલના સળિયા ગણવાનો વારો આવ્યો છે. જુહાપુરામાં  રહેતી 8 વર્ષની બાળકી જ્યારે તેના ઘરેથી સાંજના સમયે તેના ઘરની સામે આવેલ કરીયાનાની દુકાને બિસ્કિટ લેવા જતી હતી ત્યારે ત્યાં  બેઠેલા અજર આલમ નામના આરોપીએ શરીર એ હાથ ફેરવીને છેડતી કરી હતી. આ મામલે બાળકીને માતાને જાણ કરતા માતાએ વેજલપુર પોલીસ સ્ટેશનમાં આરોપી વિરુદ્ધ ફરિયાદ નોંધાવતા આરોપીને જેલના સળિયા પાછળ ધકેલી દેવાયો. 

કિશોરી બિસ્કીટ લેવા ગઇ હતી ત્યારે બની ઘટના

મહત્વનું છે કે સેટેલાઇટમાં ટ્યુશન જતી સગીરાની જાહેરમાં છેડતી અને હવે જુહાપુરામાં 8 વર્ષની બાળકીની છેડતી થતા બાળકીઓની સલામતી પર સવાલ ઉઠી રહ્યા  છે.. આ બન્ને કેસમાં આરોપીઓ તો ઝડપાઇ ગયા અને જેલ હવાલે થયા છે પરંતુ દીકરીઓની અંદર એક ડર ઉભો થઇ ગયો છે.. વેજલપુર પોલીસે આરોપીની ધરપકડ કરીને કોર્ટમાં રજૂ કરતા કોર્ટે સેન્ટ્રલ જેલ મોકલી દીધો છે. વેજલપુર પોલીસે આરોપીએ છેડતી કરી ત્યારે નશામાં હતો કે કેમ તેને લઈને  મેડિકલ રિપોર્ટ મેળવીને વધુ કાર્યવાહી હાથ ધરી છે..