સુરતનાં અમરોલી બ્રિજ પરથી નદીમાં કૂદવા જતી મહિલાને ટીઆરબી જવાન દ્વારા બચાવી લેવામાં આવી છે. આપઘાત કરવા બાબતે યુવતીએ જણાવ્યું હતું કે, પ્રેમી પરણીત હોવાની જાણ થતા તે હતાશ થઈ આપઘાત કરવા નીકળી હતી.
Share
સુરત ખાતે રહેતી યુવતીને પ્રેમીએ દગો આપતા યુવતી હતાશ થઈ જતા તે અમરોલી બ્રિજ પરથી તાપી નદીમાં કૂદી આત્મહત્યાનો પ્રયાસ કરી રહી હતી. તે દરમ્યાન ટ્રાફિક બ્રિગ્રેડનાં જવાને યુવતીને બચાવી આ બાબતે તેનાં પિતાને જાણ કરી યુવતીને તેના પિતાને સોંપી હતી. યુવતીને પ્રેમી પરણીત હોવાની જાણ થતા તે હતાશ થઈ આપઘાત કરવા નીકળી હતી.
ટીઆરબી જવાનની કામગીરીને લોકોએ બિરદાવી
મહિલા નદીમાં કૂદે તે પહેલા જ ટ્રાફિક પોલીસ જવાન તેમજ રાહદારીની નજર તાપી બ્રિજની લોખંડની ગ્રીલ પર ચડીને નદીમાં કૂદવાનો પ્રયત્ન કરતી યુવતી પર પડતા આ બાબતે લોકોએ ટીઆરબી જવાનને જાણ કરી હતી. જે બાદ ટીઆરબી જવાન રાહુલ કૈલાશભાઈ દાયમાને રાહદારીઓ દ્વારા બુમો પાડી બોલાવ્યો હતો.
પ્રેમી પરણીત હોવાનું જાણવા મળતા યુવતી હતાશ થઈ ગઈ હતી
આ બાબતે યુવતીની પ્રાથમિક પૂછપરછ કરતા યુવતી છેલ્લા ચાર વર્ષથી એક યુવક સાથે પ્રેમ સબંધ હોવાનું જણાવ્યું હતું. ત્યારે યુવક દ્વારા યુવતીને પોતે અપરણીત હોવાનું કીધું હતું. જે બાદ યુવતીને માલુમ પડ્યું કે યુવક પરણીત છે તેમજ એક સંતાનનો પિતા છે. જેથી યુવક દ્વારા યુવતીને દગો આપવા તે હતાશ થઈ જવા પામી હતી અને નદીમાં કૂદી આપઘાત કરવા જતી હતી. ત્યારે યુવતીને બચાવી લેવામાં આવતા લોકોએ ટીઆરબી જવાનનો આભાર માન્યો હતો.
કતારગામ પોલીસની મદદ લઈ છોકરીને તેના પિતાને સોંપવામાં આવીઃ જલ્પા સોનાણી (મહિલા સલાહકાર સમિતિ)
આ બાબતે મહિલા સલાહકાર સમિતિનાં જલ્પા સોનાણીએ જણાવ્યું હતું કે, હું અને મારી મિત્ર અમરોલી જઈ રહ્યા હતા. અને ત્યાર બાદ અમરોલી જતા અમને એવું લાગ્યું કે કોઈ છોકરી તાપીમાં કૂદવા જઈ રહી હતી. જે બાદ અમે તાત્કાલીક ગાડી ઉભી રાખી છોકરીનાં કપડા તેમજ પગ પકડી થોભી રાખી હતી. જે બાદ બુમાબુમ કરી રાહદારીઓને તેમજ ફાયર બ્રિગ્રેડને બોલાવતા યુવતીને બચાવી લેવામાં આવી હતી. જે બાદ યુવતીનાં પિતાને બોલાવી પોલીસનાં માધ્યમથી યુવતીને તેનાં પિતાને સોંપી હતી.
