ચિંતાજનક / હાઈપર ટેન્શન, ડાયાબિટીસ, કેન્સર જેવા રોગો પર AMCએ કરાવેલા હેલ્થ સર્વેમાં ચોંકાવનારા ખુલાસા, બેદરકારી છતી થઈ

• AMCએ કરાવ્યો હેલ્થ સર્વે 
• સર્વેમાં ચોંકાવનારા થયા ખુલાસા 
• હાઈપર ટેન્શન માટે મીઠાનું સેવન જવાબદાર

અમદાવાદમાં AMC દ્વારા બિન ચેપી રોગોને લઈ સર્વે કરવામાં આવ્યો છે.હાઈપર ટેન્શન, ડાયાબિટીસ, કેન્સર જેવા રોકો થવાના કારણ પર સર્વે કરવામાં આવ્યો છે. જેમાં AMCના આ સર્વેમાં ચોંકાવનારા ખુલાસા થયા છે.ટોબેકો, નમકથી થતા રોગ, સુગરથી થતા રોગની માહિતી પર આ  સર્વે કરવામાં આવ્યો હતો.જેમાં હાઇપર ટેન્શન માટે વધુ પડતાં મીઠાનું સેવન જવાબદાર  છે. 

AMCના હેલ્થ સરવેમાં ચોંકાવનારા ખુલાસા

ઝડપી બની ચૂકેલા સમયમાં લોકો પોતાના સ્વસ્થ્ય પ્રત્યે બેદરકાર થતા જઈ રહ્યા છે ત્યારે બિન ચેપી રોગો મામલે અમદાવાદ મહાનગરપાલિકા દ્વારા એક સર્વે કરવામાં આવ્યો હતો. આ દરમિયાન ટોબેકો તથા નમકથી થતા રોગ, સુગરથી થતા રોગની માહિતી મેળવવાનો પ્રયાસ હાથ ધરવામાં આવ્યો હતો. જેમાં હાઇપર ટેન્શન માટે વધુ પડતાં મીઠુંનું સેવન જવાબદાર હોવાનુ બહાર આવ્યું છે. એટલુ જ નહીં લોકો મર્યાદા બહારનું મીઠું આરોગતા હોવાનું પણ બહાર આવ્યું છે.

 
કસરતને લઈ લોકો જોવા મળ્યા બેદરકાર

સાથે સાથે અમદાવાદ શહેરમાં 18 ટકો તમાકુના બાંધણી હોવાનું પણ નોંધાયું છે. જેમાં સામે આવ્યું કે દર પાંચ વ્યક્તિએ એક વ્યક્તિ તમાકુનુ સેવન કરી રહ્યો છે. ખાસ વાતએ છે કે જેમાં મહિલાઓ પણ કરે છે તમાકુનું સેવન કરતા હોવાનું સામે આવ્યું છે. વધુમાં ફિઝિકલ એકટવિટી બાબતે પણ સર્વે કરાયો હતો. જેમાં મોટા ભાગના લોકો બેદરકારી દાખવતા હતા. આ દરમિયાન કોઈ પણ વ્યક્તિએ દિવસમાં 30 મિનિટ કસરત કરવી જોઈએ.શહેરના 18 ટકા લોકો વજન વધારે  હોવાનું આવ્યું સામે છે. તો 33 ટકા લોકો વધુ પડતું વજન ધરાવે છે. તો 37% લોકો એ શહેરમાં બ્લડ પ્રેશર ચેકઅપ ન કરાવ્યું હોવાનું પણ જણાઈ રહ્યું છે.