ચકચાર / અમદાવાદમાં આ જાણીતી રેસ્ટોરન્ટે ઓનલાઈન ફૂડમાં વેજને બદલે નોનવેજ આપી દીધું!, વીડિયો વાયરલ થતાં AMCની કડક કાર્યવાહી

• અમદાવાદમાં ઓનલાઈન ફૂડ ડિલીવરીમાં બેદરકારી મામલે કાર્યવાહી
• AMCએ સિંધુ ભવનની ટોમેટોઝ રેસ્ટોરન્ટને ફટકાર્યો દંડ
• AMCએ નોટિસ પાઠવીને રેસ્ટોરન્ટને ફટકાર્યો 10 હજારનો દંડ

 અમદાવાદમાં ઓનલાઈન ફૂડ ડિલીવરીમાં ગંભીર બેદરકારીનો મામલો બહાર આવતા ખળભળાટ મચી ગયો છે. જેમાં ટોમેટોઝ રેસ્ટોરન્ટમાંથી વેજનું પર્સલ મંગાવવામાં આવ્યું હતું. જોકે રેસ્ટોરન્ટના સ્ત્તાવાળાઓ દ્વારા ઓનલાઇન વેજ ફુડને બદલે નોનવેજ ફૂડ આપી દેવાતા સનસનાટી મચી ગઇ હતી. આ બેદરકારી ઉઘાડી પાડયા બાદ સબંધિત ગ્રહકમાં ભારે રોષનો માહોલ જોવા મળ્યો હતો. જેને લઈને હવે આ મામલે AMC તંત્ર પણ જાગ્યું છે. ફૂડ મોલ સામે દંડાત્મક કાર્યવાહી હાથ ધરી છે.

ગ્રાહક ફૂડ લઈને રેસ્ટોરન્ટમાં પહોંચતા સંચાલકે સ્વીકારી હતી ભૂલ

અમદાવાદના સિંધુ ભવનની ટોમેટોઝ રેસ્ટોરન્ટમાં સમગ્ર બેદરકારીકાંડ બહાર આવ્યો હતો. જેને લઈ ને મનપા તંત્ર પર માછલાં ધોવાતા તંત્ર જાગ્યું છે અને AMCએ નોટિસ પાઠવીને રેસ્ટોરન્ટને 10 હજારનો દંડ ફટકાર્યો છે. મહત્વનું છે કે ઓનલાઈન ફૂડમાં વેજને બદલે નોનવેજ પધરાવી દેતા ભારે વિવાદ જાગ્યો હતો. બાદમાં ગ્રાહક ફૂડ લઈને રેસ્ટોરન્ટમાં પહોંચ્યો હતો. જ્યા સમગ્ર વાતનું વર્તન કરતા સંચાલકે પોતાની ભૂલ સ્વીકારી લીધી હતી

વીડિયો વાયરલ થતા AMCએ નોટિસ પાઠવીને ફટકાર્યો દંડ
રેસ્ટોરન્ટનો ફૂડ આપવામાં બેદરકારીનો વીડિયો પણ વાયરલ થતો હતો. જેનો રેલો AMC ની ખુરશી સુધી પહોંચતા AMCએ નોટિસ પાઠવીને રેસ્ટોરન્ટને 10 હજારનો દંડ કર્યો હતો.