સુરત / અનિલ નામની બકરી ડબ્બે પુરાઈ: 'ખાખીથી ડરતો નથી' કહીને ફેંકી હતી ચેલેન્જ, પોલીસે કર્યું એવું કે હવા નીકળી ગઈ

• સોશિયલ મીડિયા પર અભદ્ર ભાષાનો ઉપયોગ કરનારને પોલીસે ઝડપી પાડ્યો
• અનિલ માંગુકિયા નામના ઈસમે પોલીસ વિરૂદ્ધ અભદ્ર ભાષાનો ઉપયોગ કર્યો હતો
• પોલીસની નોટિસ મળતા આરોપીએ ફરિયાદને ધમકાવ્યો

 સુરત જિલ્લાના કામરેજ તાલુકામા ખોલવડ ગામે રહેતા અને હીરાના કારખાનામાં કામ કરી પરિવારનું ગુજરાન ચલાવતા મુળ જૂનાગઢ જીલ્લાના માળિયા હાટીના તાલુકાના ગીર બોડી ગામના રોહિત ભાઈ રમેશ ભાઈ રૂપાપરા નામના યુવકને ગત તારીખ ૩૧ માર્ચ ના રોજ તેમના મિત્રનો ફોન આવ્યો હતો. અને જણાવ્યું હતું કે કોઈ અનિલ માંગુકિયા નામના ઇસમએ તમારા અને તમારા પરિવાર વિશે અભદ્ર લખાણ લખ્યું છે,મિત્રએ કરેલી વાતને લઈને રમેશ ભાઈએ ફેસબુક ખોલી ચેક કરતા અનિલ માંગુકિયા નામની ફેસબુક આઇડી પર અભદ્ર લખાણ સાથે તેમના અને તેમના આખા પરિવારના ફોટા અપલોડ કર્યા હતા. જેથી રોહિત ભાઈએ કામરેજ પોલીસને જાણ કરતા કામરેજ પોલીસે કાયદેસરની કાર્યવાહી હાથ ધરી હતી. 
અનિલ માંગુકિયા નામના ઈસમે પોલીસ વિરૂદ્ધ અભદ્ર ભાષાનો ઉપયોગ કર્યો હતો. કામરેજ પોલીસ મથકે આવેલી ફરિયાદને લઈને પોલીસે આ ગુનાના આરોપીને નોટિસ મોકલી હતી. જે નોટિસ આરોપીએ ધ્યાન પર ન લેતા પોલીસે વોટસએપ મારફતે નોટિસ મોકલી હતી,પોલીસે મોકલેલી નોટિસની અનિલ માંગુકિયાએ રિપ્લાયમાં જણાવ્યું હતું કે મારા પર ૩૦૨ની કલમ પણ ઠોકી દેજે અને આર્મ્સ એક્ટનો ગુનો પણ ઠોકી દેજે, મારા પર ૩૭ ગુના છે એક બીજો આવી રોજ નોટિસ આવે છે.

પોલીસની નોટિસ મળતા આરોપીએ ફરિયાદને ધમકાવ્યો
કામરેજ પોલીસનું તેડું આવતા જ આરોપી અનિલ માંગુકિયાએ ફરિયાદ રમેશ રૂપાપરાને ધમકાવાનું શરુ કર્યું હતું,અને ફરિયાદને જાનથી મારી નાખવાની ધમકી મળી આપી હતી,પોતે ગુનાહિત ઇતિહાસ ધરાવું છું અને મારી પર ૪૯ જેટલા ગુના નોંધાયેલા હોવાનું કહી તેના માણસોથી હુમલો કરાવીશ તેવી ધમકી આપી હતી,અને ફેસબુક પર પોલીસ વિશે અભદ્ર ભાષાનો ઉપયોગ કરી કામરેજ પોલીસ મથકના પીસઆઈને પડકાર ફેંકયો હતો.

પોલીસ સ્ટેશનમાં પહોચતા જ આરોપીની હવા નીકળી ગઈ
વાત પોલીસની આબરૂ પર આવી જતા પોલીસે ઊંડાણ પૂર્વક તપાસ હાથ ધરી હતી અને ઇસમની ફેસબુક આઇડી ચેક કરતા આરોપી અનિલ માંગુકિયા લોકો વચ્ચે અને સમાજ વચ્ચે ઘર્ષણ થાય તેવી પોસ્ટ મુકવા સાથે ભૂતકાળમાં ખોટું કરતો આવેલું તેવું ધ્યાને આવતા પોલીસે ગણતરીની કલાકોમાં આરોપીને દબોચી લીધો હતો અને કોર્ટે રજૂ કરી બે દિવસના રિમાન્ડ મેળવ્યા હતા અને સોશિયલ મીડિયામાં પોલીસને પડકાર ફેંકનાર અનિલ માંગુકિયાએ પોલીસ સ્ટેશનમાં હવા નીકળી ગઈ હતી અને બે કાન પકડી પોલીસની માફી માંગવા લાગ્યો હતો,પોલીસે પણ આરોપી અનિલ માંગુકિયાની વ્યવસ્થિત સરભરા કરી હતી. આરોપી પર ૨૦ જેટલા ગુનાઓ નોંધાયેલ હોવાનું જાણવા મળ્યું.

આરોપી ગુનાહિત ઈતિહાસ ધરાવે છેઃDYSP
સમગ્ર મામલે સુરત ગ્રામ્યના DYSP બી.કે વનારે  કેસમાં તપાસ કરતા આરોપીનો ગુનાહિત ઇતિહાસ પણ સામે આવ્યો હતો,સુરત શહેરના કાપોદ્રા,અમરોલી,સરથાણા,પુના, ખટોદરા,વરાછા,કતારગામ સહિતના પોલીસ મથકોમાં દારૂની ખેપ મારવી,નકલી પોલીસ બની રૂપિયા પડાવવા જેવા અલગ અલગ ૨૦ જેટલા ગુના નોંધાયેલા છે,આટલું જ નહિ ભૂતકાળમાં સરકાર સામે પણ અભદ્ર ટિપ્પણીઓ કરતો આવેલ છે.