- એરપોર્ટ પર સુવિધા યુક્ત પાર્કિંગ માટે FASTag કાર પાર્ક લોન્ચ કરાયું
- પરિવારજનોને પીક-અપ કે ડ્રોપ કરવા આવતા લોકોને મળશે સુવીધા
- ટર્મીનલ-2 પર આ સુવિધાનો ઉપયોગ કરી શકાશે
- ઇલેક્ટ્રોનિક ટોલ કલેક્શન સિસ્ટમ FASTag લાગુ
- વાહનોના ઝડપી પ્રવેશ અને નિકાસ માટે FASTagની સુવિધામાં એક-એક લેન રખાઇ
અમદાવાદ એરપોર્ટ પર સુવિધાયુક્ત પાર્કિંગને લઈ એક મોટા સમાચાર સામે આવ્યા છે. વાત જાણે એમ છે કે, એરપોર્ટ પર ફાસ્ટ ટેગ કાર પાર્ક લોન્ચ કરાયું છે. જેમાં હવે ખાસ કરીને એરપોર્ટ પર પીકઅપ કે ડ્રોપ કરવા આવતા લોકોને સુવિધા મળશે. ટર્મિનલ-2 પર ફાસ્ટ ટેગ કાર પાર્કની સુવિધાનો ઉપયોગ કરી શકાશે. મહત્વનું છે કે, ફાસ્ટ ટેગ કાર પાર્કની સુવિધાના કારણે મુસાફરો સરળતાથી એરપોર્ટ બહાર નીકળી શકશે.
અતિ વ્યસ્ત રહેતા ગુજરાતનાં અમદાવાદ એરપોર્ટ પર સુવિધા યુક્ત પાર્કિંગ માટે FASTag કાર પાર્ક લોન્ચ કરાયું છે. જેને લઈ હવે પરીવારજનોને પીક-અપ કે ડ્રોપ કરવા આવતા લોકોને સુવીધા મળશે. ટર્મીનલ-2 પર આ સુવિધાનો ઉપયોગ કરી શકાશે. મહત્વનું છે કે, ઇલેક્ટ્રોનિક ટોલ કલેક્શન સિસ્ટમ FASTag લાગુ કરવામાં આવતા હવે વાહનોના ઝડપી પ્રવેશ અને નિકાસ માટે FASTagની સુવિધામાં એક -એક લેન રખાઇ છે. જેને લઈ હવે મુસાફરોને પાર્કિંગની રસીદ માટે અથવા પ્રવેશ કે બહાર નીકળતી વખતે સરળતા રહેશે. આસાથે રોકડ/ક્રેડિટ ચૂકવણી કરવા રાહ જોવી કે માનવીય હસ્તક્ષેપ રહેશે નહીં.
શું છે પ્રોસેસ- પાર્કિંગ કેવી રીતે કરશો?
- પ્રવેશ કરતી વખતે T2 પરિસરમાં પ્રવેશતા વાહનો T2 એક્સેસ રોડ સુધી પહોંચશે
- પ્રવેશ બાદ વાહનોને FASTag માટેની નિર્ધારિત લેનમાં લઈ જવા
- પ્રવેશદ્વાર પર FASTag નિયંત્રક વાહનની વિન્ડસ્ક્રીન પરનો ટેગ વાંચશે
- બૂમ ગેટ ખુલતા વાહન પાર્કિંગ માટે જઈ શકે છે
- બહાર નીકળતી વખતે નિર્ધારીત FASTag લેનમાંથી બહાર નીકળવું
- કંટ્રોલ સિસ્ટમ ટેગ વાંચતા જ ચાર્જપાત્ર પાર્કિંગ ફી આપમેળે કપાઈ જશે
- બૂમ ગેટ વાહનને બહાર નીકળવા દેશે
