આપઘાત / 'તમારા ગંદા ફોટા સોશ્યલ મીડિયામાં મૂકી દઇશું, હું હેરાન...', વડોદરામાં બે સંતાનોના પિતાએ ખાધો ગળાફાંસો, લોન ચૂકવ્યા બાદ પણ હેરાનગતિનો ઉલ્લેખ

• ઓનલાઇન ગેમ રમવાની લ્હાયમાં જીવ ગુમાવ્યો 
• દેવું થઈ જતા બે સંતાનોના પિતાએ ગળેફાંસો ખાધો 
• લોન ભરપાઈ કર્યા છતા કેટલાક શખ્સો હેરાન કરતા હોવાનો સ્યુસાઇડ નોટમાં ઉલ્લેખ 
• સોશિયલ મીડિયામાં બદનામ કરી દેવાની ધમકી અપાતી હોવાનો ઉલ્લેખ 
• સ્યુસાઇડ નોટ મળી આવતા ગોરવા પોલીસે કાર્યવાહી હાથ ધરી 

Vadodara News : ઓનલાઈન ગેમ રમવાની લ્હાયમાં એક યુવકે જીવન ટૂંકાવી દીધું હોવાનું સામે આવ્યું છે. વાત જાણે એમ છે કે, વડોદરામાં ઓનલાઈન ગેમના દેવુ થઈ જતા બે બાળકોના પિતાએ આપઘાત કર્યો છે. આ તરફ મૃતક પાસેથી સ્યુસાઇડ નોટ મળી આવી છે. લોન ભરપાઈ કર્યા છતા કેટલાક શખ્સો હેરાન કરતા હોવાનો સ્યુસાઇડ નોટમાં ઉલ્લેખ કરવામાં આવ્યો છે. આ સાથે સોશિયલ મીડિયામાં બદનામ કરી દેવાની ધમકી અપાતી હોવાનો ઉલ્લેખ પણ નોટમાં કરવામાં આવ્યો છે. આ તરફ ગોરવા પોલીસે કાર્યવાહી હાથ ધરી છે. 

વડોદરાના રિફાઇનરી રોડ પર ગ્રીનપાર્ક સોસાયટીના 31 વર્ષીય મયુર મહિડાએ આપઘાત કરી લીધો છે. પ્રાથમિક વિગતો મુજબ ગેમના ચક્કરમાં દેવુ થઈ જતા બે બાળકોના પિતાએ આપઘાત કરી લીધો છે. પોતાના ઘરે જ યુવાને ગળે ફાંસો ખાઈ જીવન ટુંકાવ્યું હતું. આ તરફ મૃતક યુવાન પાસેથી મળી આવેલ સુસાઈડ નોટથી મોટી બાબત સામે આવી છે. જે મુજબ પૈસા માટે કેટલાક શખ્સો માનસિક ત્રાસ આપતા હોવાનો ઉલ્લેખ અને યુવાનને બદનામ કરવાની શખ્સો ધમકી આપતા હોવાનો ઉલ્લેખ પણ કર્યો છે.