કામની વાત / માત્ર આધાર-પાન જ નહીં, ડેથ સર્ટિફિકેટ પણ છે અગત્યનું ડોક્યુમેન્ટ્સ, મેળવવા માટે ફૉલો કરો આ સ્ટેપ્સ

• આજના સમયમાં આધાર કાર્ડ સૌથી મહત્વપૂર્ણ દસ્તાવેજ 
• આધાર કાર્ડની સાથે ડેથ સર્ટિફિકેટ પણ મહત્વનું છે
• મૃત્યુ બાદ કોઈપણ દાવો કરવા માટે આ ખુબ જ જરૂરી

જ્યારે પણ તમે કોઈ સરકારી કે બિનસરકારી કામ કરાવવા જાવ છો, ત્યારે તમારે ઘણા પ્રકારના દસ્તાવેજોની જરૂર પડશે. જો કે આજના સમયમાં આધાર કાર્ડ સૌથી મહત્વપૂર્ણ દસ્તાવેજ છે. તે લગભગ દરેક કામ માટે જરૂરી છે, પરંતુ ઘણા લોકો નથી જાણતા કે ડેથ સર્ટિફિકેટ પણ સૌથી મહત્વપૂર્ણ દસ્તાવેજોમાંથી એક છે. જો મૃત વ્યક્તિ પાસે કોઈ પોલિસી હોય, તેણે બેંકમાં પૈસા જમા કર્યા હોય અથવા અન્ય કોઈ રોકાણ કર્યું હોય તો આ બધાનો દાવો કરવા માટે તમારે મૃત્યુ પ્રમાણપત્રની જરૂર છે. આવી સ્થિતિમાં જો તમે પણ કોઈનું મૃત્યુ પ્રમાણપત્ર બનાવવા માંગો છો તો તમે અહીં તેની પદ્ધતિ સાથે તમામ માહિતી જાણી શકો છો.  

આ બાબતોનું ખાસ ધ્યાન રાખો

જો તમારા કોઈ પ્રિય વ્યક્તિનું અવસાન થયું હોય તો આવી સ્થિતિમાં મૃત્યુ પ્રમાણપત્ર બનાવવા માટે તમારે મૃત્યુના 21 દિવસની અંદર અરજી કરવી પડશે. આ પછી આ દસ્તાવેજ 5 થી 7 દિવસમાં તૈયાર થઈ જાય છે.

જાણો સમગ્ર પ્રક્રિયા

સ્ટેપ - 1 

જો તમે કોઈનું ડેથ સર્ટિફિકેટ બનાવવા માંગતા હોવ તો તમારે સૌથી પહેલા મ્યુનિસિપલ કોર્પોરેશનની વેબસાઈટ અથવા સ્થાનિક રજિસ્ટ્રાર ઓફિસ પર જવું પડશે. ત્યારબાદ મૃત્યુ પ્રમાણપત્ર બનાવવા માટેનું ફોર્મ લો અને તેમાં સંપૂર્ણ માહિતી ભરો. 

સ્ટેપ - 2

આ પછી તમારે આ ફોર્મ સાથે કેટલાક દસ્તાવેજોની નકલો જોડવાની રહેશે. આમાં આધાર કાર્ડ, રેશન કાર્ડ, સ્થાનિક રહેઠાણનું પ્રમાણપત્ર, મૃતક સાથેના તમારા સંબંધનો પુરાવો, મૃત્યુની તારીખ અને સમય, જન્મ તારીખ વગેરે વિશેની માહિતી શામેલ છે.

સ્ટેપ - 3

હવે તૈયાર ફોર્મ લો અને તેને રજિસ્ટ્રાર/સબ રજિસ્ટ્રારની ઑફિસમાં સબમિટ કરો. પછી આગળની પ્રક્રિયા હાથ ધરવામાં આવશે અને જો બધું યોગ્ય જણાય તો મૃત્યુ પ્રમાણપત્ર તૈયાર કરવામાં આવે છે.