હવસનો પ્રોજેક્ટ! / એરફોર્સના કર્મચારીની ગંદી બાત! પાડોશીની 10 વર્ષની બાળકીને ઘરે બોલાવી કરી વિકૃત હરકત, ફરિયાદ થતાં હડકંપ

• જામનગરમાં 10 વર્ષની બાળકી સાથે વિકૃતે અડપલાં કરતાં ફરિયાદ 
• એરફોર્સ-1માં 10 વર્ષની બાળકીની છેડતી અને અડપલાંની ઘટના 
• એરફોર્સના કર્મચારીએ પ્રોજેક્ટ કરવાના બહાને કર્યા અડપલાં

મહિલા સલામતીના દાવા વચ્ચે જામનગરમાંથી વધુ એક વખત ચકચારી ઘટના સામે આવી છે. જેમાં જામનગરના એરફોર્સ -૧માં ૧૦ વર્ષની બાળકી સાથે આડપલા કરવાનો  કિસ્સો સામે આવતાં ભારે સનસનાટી મચી ગઈ છે. આ મામલે પાડોશી એરફોર્સના કર્મચારી સામે પોલીસે પોકસો એક્ટની કલમ તળે ગુનો નોંધી કાર્યવાહી હાથ ધરી છે. મહત્વનું છે કે પાડોશી એરફોર્સના કર્મચારીએ પ્રોજેક્ટ કરવાના બહાને ઘરમાં બોલાવ્યા પછી ખરાબ કૃત્યનો પ્રયાસ કરતા શહેરભરમાં આરોપી સામે ચારે કોરથી ફિટકાર વર્ષી રહ્યો છે.

પુષ્પેન્દ્રસિંહ નામના એક એરફોર્સના કર્મચારી સામે ફરિયાદ

આ મામલે જામનગર જિલ્લા પોલીસ વડા પ્રેમસુખ ડેલુએ પત્રકાર પરિષદ યોજી માહિતી આપતા જણાવ્યું હતું કે જામનગરના એરફોર્સ સ્ટેશનમાં રહેતા એક એરફોર્સ કર્મચારીની ૧૦ વર્ષની પુત્રી અભ્યાસ કરતી હતું અને તેને પ્રોજેક્ટ બનાવવાનો હતો. જેનો લાભ લઇ તેના સામેના જ ક્વાર્ટરમાં રહેતા પુષ્પેન્દ્રસિંહ નામના એક એરફોર્સના કર્મચારીએ દીકરીને પોતાના ક્વાર્ટર્સમાં બોલાવી હતી. જ્યા એકલતાનો લાભ લઇ છેડતી અડપલાનો પ્રયાસ કર્યો હતો. 

એરફોર્સ વર્તુળમાં ભારે હલચલ

જેને લઈને દીકરી ખૂબ જ ડરી ગઈ હતી અને તેમને આરોપીના કબજામાંથી ભાગવાનો પ્રયાસ કરી અને અંતે તેને સફળતા મળી હતી જે મહામહેનતે ઘરે પહોંચી હતી. અને પોતાના ઘરમાં જઈ માતાને સમગ્ર વાત કરતા માતા-પિતાના પગતળેથી જમીન સરકી ગઈ હતી.તો એરફોર્સ વર્તુળ માં ભારે હલચલ મચી ગઈ હતી.

ધરપકડ કરી કાર્યવાહી આગળ ધપાવી
જે સમગ્ર મામલો જામનગરના સીટી સી. ડિવિઝન પોલીસ મથકમાં લઈ જવાયો હતો, અને બાળકીની માતાએ સીટી સી. ડિવિઝનના પીઆઇ અમિત ચૌધરી સમક્ષ ઘટનાનું વર્ણન કર્યું હોવાથી એરફોર્સના કર્મચારી પુષ્પેન્દ્રસિંહ સામે પોકસો એક્ટ ની કલમ તેમજ  ૩૫૪ મુજબ ગુન્હો નોંધવામાં આવ્યો છે, અને તેની ધરપકડ કરી કાર્યવાહી આગળ ધપાવી છે.