મનોરંજન / 100, 200 કરોડ નહીં, પૂરા 600 કરોડની ક્લબમાં સામેલ છે સાઉથ ડાયરેક્ટરની આ ફિલ્મો, જુઓ લિસ્ટ

• સાઉથના એવા ડાયરેક્ટર, જેમની ફિલ્મ 600 કરોડ રૂપિયાના ક્લબમાં શામેલ
• 600 કરોડ રૂપિયાના ક્લબમાં સૌથી પહેલા નંબરે એસ.એસ.રાજામૌલી
• ફિલ્મ RRRએ બોક્સ ઓફિસ પર 600 કરોડ રૂપિયાનું કલેક્શન કર્યું

એક એવો સમય હતો જ્યારે ફિલ્મો હિટ થવાનો માપદંડ 100-200 કરોડની કમાણી થાય તો ફિલ્મ હિટ ગણાતી હતી. સૌથી પહેલા 100 કરોડ રૂપિયાનું ક્લબ આવ્યું, ત્યારપછી 200 કરોડ, પછી 300 કરોડની કમાણી પર ફિલ્મ હિટ થવા લાગી. ફિલ્મોની વધતી કમાણીને કારણે આ આંકડો 600 કરોડ પર અટકી ગયો છે. દરેક ફિલ્મની કમાણી 600 કરોડ થઈ શકે તે શક્ય નથી. અહીંયા અમે સાઉથના એવા ડાયરેક્ટર વિશે જણાવી રહ્યા છીએ, જેમણે 600 કરોડ રૂપિયાના ક્લબમાં એન્ટ્રી કરી લીધી છે. 

600 કરોડ રૂપિયાના ક્લબમાં સૌથી પહેલું નામ એસ.એસ.રાજામૌલીનું આવે છે. આ એક એવા ડાયરેક્ટર છે, જેમની ફિલ્મોએ 600 કરોડ રૂપિયાથી લઈને 1,000 કરોડ રૂપિયાની કમણી કરી છે. તેમની ફિલ્મ બાહુબલીએ 600 કરોડ રૂપિયાનો આંકડો પાર કરી લીધો હતો. ફિલ્મ બાહુબલી 2એ 1,000 કરોડથી વધુ રૂપિયાની કમાણી કરી હતી. તેમની ફિલ્મ RRRએ વિશ્વભરમાં ધૂમ મચાવી હતી અને બોક્સ ઓફિસ પર 600 કરોડ રૂપિયાનું કલેક્શન કર્યું હતું. 

₹6️⃣0️⃣0️⃣ cr club South Directors

SS Rajamouli - 3
Shankar - 1
Prashanth Neel - 1
Nelson Dilipkumar - 1 pic.twitter.com/cldXP1aHzg

— Manobala Vijayabalan (@ManobalaV) September 4, 2023

રજનીકાંતની ફિલ્મ જેલર 600 કરોડ રૂપિયાના ક્લબમાં હોવાનું કહેવામાં આવી રહ્યું છે. આ ફિલ્મ નેલ્સન દિલીપકુમારે ડાયરેક્ટ કરી છે અને રજનીકાંત આ ફિલ્મમાં લીડ રોલ ભજવી રહ્યા છે. પ્રશાંત નીલ પણ 600 કરોડ રૂપિયાના ક્લબમાં શામેલ છે. તેમણે KGF ફિલ્મ બનાવી છે અને KGF ચેપ્ટર 2એ બોક્સ ઓફિસ પર 600 કરોડ રૂપિયાનું કલેક્શન કર્યું છે. આ લિસ્ટમાં ચોથા નંબરે ડાયરેક્ટર શંકર આવે છે. તેમની ફિલ્મ 2.0એ બોક્સ ઓફિસ પર 600 કરોડ રૂપિયાનો આંકડો પાર કર્યો હતો, આ પ્રકારે રજનીકાંતની ફિલ્મ 600 કરોડ રૂપિયાના ક્લબમાં શામેલ છે.