- હોળીએ દિલ્હીમાં બીજો મોટો કાંડ
- 60 વર્ષના વૃદ્ધે 2 વર્ષની બાળકી સાથે કર્યાં ગંદા અડપલાં
- બાળકીના કપડાં કાઢીને પ્રાઈવેટ પાર્ટ સાથે કર્યાં અડપલાં
- પોલીસે પોક્સો હેઠળ કાર્યવાહી કરીને ધકેલી દીધો જેલમાં
આ વખતની હોળી દિલ્હીને શર્મસાર કરતી ગઈ છે. પહેલા જાપાની છોકરી સાથે છેડતી અને પછી એક વૃદ્ધે 2 વર્ષની બાળકી સાથે ગંદા અડપલાં કર્યાં હતા. આ બન્ને ઘટનાઓ હોળીના દિવસે દિલ્હીમાં સામે આવી હતી. ઉત્તર દિલ્હીના ગુલાબી બાગ પોલીસ સ્ટેશન વિસ્તારમાં સામે આવ્યો છે. અહીં એક 60 વર્ષના વૃદ્ધે 7 વર્ષની અને 2જા ધોરણમાં ભણતી બાળકી સાથે ગંદી હરકત કરી હતી. પીડિતાની માતાની ફરિયાદને આધારે પોલીસ વૃદ્ધની ધરપકડ કરી હતી.
શું બન્યું હોળીના દિવસે
આરોપ છે કે 60 વર્ષીય વૃદ્ધ તેના પડોશમાં રહેતી અને બીજા ધોરણમાં ભણતી 7 વર્ષની બાળકી સાથે તે છેલ્લા 8-10 દિવસથી ગંદી હરકતો કરતો હતો. હોળીના દિવસે તો વૃદ્ધ હદ વટાવી. વૃદ્ધે તેના ઘેર બાળકીના કપડાં કાઢીને તેના પ્રાઈવેટ પાર્ટને ટચ કર્યો હતો અને ગંદા અડપલાં કર્યાં હતા. જ્યારે પીડિતાએ તેની માતાને આ મામલે જણાવ્યું તો તે આરોપીના ઘરે પહોંચી અને વૃદ્ધ સાથે ઝગડો કર્યો હતો. દરમિયાન આ બાબતની જાણ પોલીસને કરવામાં આવી હતી. તપાસ બાદ પોલીસે કલમ 376 આઈપીસી અને 6 પોક્સો એક્ટ હેઠળ એફઆઈઆર નોંધી આરોપીની ધરપકડ કરી હતી. જેની ઓળખ બદ્રીનાથ તરીકે થઈ છે.
8-10 દિવસથી બાળકી સાથે કરતો હતો અડપલાં
રોહિણી એફએસએલની ફોરેન્સિક ટીમ અને ઉત્તર દિલ્હીની ક્રાઇમ ટીમને તપાસ માટે મોકલવામાં આવી હતી. પીડિતાની મેડિકલ તપાસ પણ કરવામાં આવી છે. ડીસીપી નોર્થ સાગર સિંહ કલસીએ જણાવ્યું કે, આ ઘટના હોળીની રાત્રે બની હતી. જ્યારે રાત્રે 10:29 વાગ્યાની આસપાસ પીસીઆર કોલ આવ્યો હતો કે ગુલાબી બાગ વિસ્તારમાં ઝઘડો થઈ રહ્યો છે. સબ-ઇન્સ્પેક્ટર ઓમકારને ઘટના સ્થળે મોકલવામાં આવ્યા હતા, ત્યાં પહોંચ્યા બાદ જાણવા મળ્યું કે એક મહિલાએ જણાવ્યું કે તેની 7 વર્ષની દીકરી પર તેના પાડોશી બદ્રીનાથે યૌન શોષણ કર્યું છે.તે છેલ્લા 8-10 દિવસથી બાળકી સાથે અડપલાં કરતો હતો. તેણે પોલીસમાં આપેલા નિવેદનમાં જણાવ્યું કે હોળીની રાતે પણ તેણે બાળકીના કપડાં કાઢી નાખ્યાં હતા અને તેના પ્રાઈવેટ પાર્ટ સાથે અડપલાં કર્યાં હતા.
દિલ્હીમાં જાપાની છોકરીની છેડતી
ઉલ્લેખનીય છે કે દિલ્હીમાં હોળીના દિવસે કેટલાક છોકરાઓએ જાપાની છોકરીની છેડતી કરી હતી. આ ઘટનાનો વીડિયો પણ વાયરલ થયો હતો.
