વાતાવરણ પલટો / સૌરાષ્ટ્રથી ઉત્તર ગુજરાત સુધી આટલા જિલ્લાઓમાં 48 કલાક વરસાદની આગાહી: 40ની ઝડપે ફૂંકાશે પવન

Vishal Dave

Last Updated: 09:46 PM, 1 March 2024

FOLLOW ON

શેર કરો

2 સાયકલોનીક સર્ક્યુલેશનના કારણે રાજ્યમાં સામાન્ય થી મધ્યમ કમોસમી વરસાદની આગાહી કરવામાં આવી છે. સાથે 30 થી 40 કિલોમીટર ઝડપે પવન ફૂંકાશે.

સમગ્ર ગુજરાતમાં ઠંડી હવે મહદઅંશે વિદાય લઇ ચૂકી છે, પરંતુ ગરમીની શરૂઆત થાય તે પહેલા વરસાદની આગાહીએ ખેડૂતોને ચિંતામાં મુકી દીધા છે.. હવામાન વિભાગ દ્વારા આગામી 48 કલાક ગુજરાતના વિવિધ જિલ્લાઓમાં ગાજવીજ સાથે હળવાથી સામાન્ય વરસાદની આગાહી કરવામાં આવી છે. અફઘાનિસ્તાન અને આસપાસના વિસ્તારમાં સાયક્લોનિક સર્ક્યુલેશન સર્જાઈ શકવાને કારણે ગુજરાતમાં માવઠાની શક્યતા વ્યક્ત કરાઇ છે. આગામી 48 કલાક દરમિયાન ગુજરાતના વિવિધ ભાગોમાં ગાજવીજ સાથે હળવાથી સામાન્ય વરસાદની આગાહી કરવામાં આવી છે.

2 સાયકલોનિક સર્ક્યુલેશનના કારણે વરસાદની આગાહી

રાજ્યમાં કમોસમી વરસાદની આગાહી આપવામાં આવી છે, 2 સાયકલોનીક સર્ક્યુલેશનના કારણે રાજ્યમાં સામાન્ય થી મધ્યમ કમોસમી વરસાદની આગાહી કરવામાં આવી છે. સાથે 30 થી 40 કિલોમીટર ઝડપે પવન ફૂંકાશે. હવામાન વિભાગના જણાવ્યા પ્રમાણે આજે બનાસકાંઠા, સાબરકાંઠા, પાટણ, અરવલ્લી, મહીસાગર, દાહોદ, તાપી, નવસારી, વલસાડ, દમણ, દાદરા નગર હવેલી, દ્વારકા, મોરબી, પોરબંદર, જામનગર, રાજકોટ, જુનાગઢ, ગીર સોમનાથ અને કચ્છમાં સામાન્ય વરસાદની આગાહી. કરાઇ છે..

આ પણ વાંચોઃ વસ્ત્રાપુર લેકને રૂ. 5 કરોડના ખર્ચે અપાશે હેરિટેજ લૂક, લોકોને ઉંદરોના ત્રાસથી મળશે છૂટકારો

તો આવતીકાલે ઉત્તર ગુજરાતના તમામ જિલ્લાઓ સાથે જ વડોદરા, છોટાઉદેપુર, મોરબી, સુરેન્દ્રનગર, રાજકોટ, બોટાદ, અમરેલી, ભાવનગર, ગીર સોમનાથ અને કચ્છમાં સામાન્યથી મધ્યમ વરસાદની આગાહી કરવામા આવી છે...