ખૌફનાક / હવસે જીવ લીધો ! સૃષ્ટિ વિરૃદ્ધનું કૃત્ય કરનારનો જબરો બદલો લીધો 3 છોકરાઓએ, કાંડ જાણીને કંપી જવાશે

• દિલ્હીના નિઝામુદ્દીન એરિયામાં 3 છોકરાઓએ કરી 24 વર્ષના યુવાનની હત્યા
• યુવાને એક છોકરા સાથે કર્યું હતું સૃષ્ટિ વિરૃદ્ધનું કૃત્ય
• છોકરાઓએ હત્યા કરીને ચહેરો પથ્થરોથી વિકૃત કર્યો 

દિલ્હીના 24 વર્ષના યુવાનને સગીર છોકરા સાથે સૃષ્ટિ વિરૃદ્ધનું કૃત્યમાં જીવ ખોવાનો વારો આવ્યો. પીડિત યુવાને ફોસલાવીને 16 વર્ષના છોકરા સાથે સૃષ્ટિ વિરૃદ્ધનું કૃત્ય કર્યું હતું. આ પછી બે તેના બે મિત્રોની મદદથી રેપિસ્ટને પાઠ ભણાવવાનું નક્કી કર્યું હતું. ગુરુવારે સગીર છોકરા અને તેના બે મિત્રોએ એક 25 વર્ષીય વ્યક્તિને ખુકરીથી કથિત રીતે છરીના ઘા મારીને હત્યા કરી દીધી હતી. પોલીસે જણાવ્યું હતું કે, નિઝામુદ્દીન બસ્તીના રહેવાસી શંકાસ્પદ લોકોએ પુરાવાનો નાશ કરવા માટે પીડિતાનો ચહેરો પત્થરોથી વિકૃત કરી દીધો હતો અને તેના શરીરને આગ ચાંપી દીધી હતી. પોલીસ અધિકારીએ જણાવ્યું હતું કે, સગીર વયના બે 16 વર્ષીય અને એક 17 વર્ષીય કિશોરને જુવેનાઇલ જસ્ટિસ બોર્ડ સમક્ષ રજૂ કર્યા બાદ આશ્રયસ્થાનમાં મોકલવામાં આવ્યા છે.

પાર્કમાંથી મળી અર્ધબળેલી લાશ 
પોલીસે ત્રણેય છોકરાઓને ઝડપી પાડ્યાં હતા. પૂછપરછમાં એવો ખુલાસો કર્યો કે તેઓએ આઝાદ તરીકે ઓળખાતા એક વ્યક્તિની હત્યા કરી હતી, અને તેનો મૃતદેહ ખુસરો પાર્કમાં પડ્યો હતો. આ પછી ટીમ તાબડતોબ ત્યાં ધસી ગઈ અને ત્યાંથી એક અર્ધ બળેલી લાશ મળી આવી હતી. 

શું હતો કેસ
હજરત નિઝામુદ્દીનમાં 24 વર્ષના યુવાને એક સગીર છોકરા સાથે સૃષ્ટિ વિરૃદ્ધનું કૃત્ય કર્યું હતું. આ પછી સગીરે તેના બે મિત્રોની સાથે મળીને પીડિતની હત્યા કરી નાખી હતી શકમંદોએ મૃતકના પુરાવા અને ઓળખનો નાશ કરવા માટે સૂકા ઘાસ અને કપડાંની મદદથી લાશને સળગાવવાનો પ્રયાસ પણ કર્યો હતો. પોલીસને પીડિતની અર્ધ બળેલી લાશ મળી આવી હતી. પોલીસને મર્ડરનું હથિયાર તથા લાશના નિકાલ માટે વપરાયેલ અર્ધ બળેલા લાકડા પણ મળ્યાં હતા.