દુખદ / 'મોત આવવાનું છે તેવી બારના લોકોને ખબર હશે'? અચાનક ઉપરથી ત્રાટક્યું મોત, 3 લોકોના મોત

લોકો મોજમજા અને છાંટોપાણી માટે બાર કે પબમા જતાં હોય છે પરંતુ ક્યારેક બાર મોતનું કારણ પણ બની શકે છે. તમિલનાડુના ચેન્નઈમાં આવેલા જાણીતા સેખમેટ બારમાં 3 લોકોના મોતની એક મોટી ઘટના બની છે. અલવરપેટ વિસ્તારમાં વ્યસ્ત ચામિયર્સ રોડ પર આવેલા જાણીતા સેખમેટ બારની છત ગુરુવારે ધરાશાયી થઇ ગઇ હતી. છત તૂટી પડવાની ઘટના પહેલા માળે બની હતી. 

VIDEO | One injured after a building collapsed in Alwarpet, Chennai earlier today. More details awaited. pic.twitter.com/pGbJfPAbK9

— Press Trust of India (@PTI_News) March 28, 2024

છત તૂટી પડવાના બે કારણ 
કેટલાક લોકો આ ઘટનાને લઈને બારની સામે ચાલી રહેલા મેટ્રો રેલના કામ પર આંગળી ચીંધી રહ્યા છે. રાજ્ય ફાયર સર્વિસના વડા અબેશ કુમારે જણાવ્યું હતું કે, "3 લોકોનાં મોત નીપજ્યાં છે. તેમની ઓળખ મજૂર તરીકે થઈ છે. બચાવ ટીમો એ જાણવાનો પ્રયાસ કરી રહી છે કે બીજું કોઈ ફસાઈ ગયું છે કે નહીં. આ ઘટના દરમિયાન બાર ચાલુ હતો અને લોકો અંદર હતા. જોઇન્ટ કમિશનર ઓફ પોલીસ પ્રેમ આનંદ સિંહાએ જણાવ્યું હતું કે, "અમે એ વાતની તપાસ કરી રહ્યા છીએ કે તે સમયે મેટ્રો રેલના કામમાં કોઇ મોટી અસર ઓપરેશન ચાલી રહ્યું હતું કે નહીં.

જાણીતો છે સેખમેટ બાર
ચેન્નઈનો સેખમેટ બાર ખૂબ જાણીતો છે અને અહીં સદાય લોકોની ભીડ રહેતી હોય છે પરંતુ ચમત્કાર ગણી શકાય તેવી એક ઘટનામાં આજે મોતની ઘટના વખતે ભીડ ઓછી હતી. વધારે ભીડ હોત તો શું થાય તેની કલ્પના માત્રથી પણ ધ્રૂજારી આવી જાય છે.