દુર્ઘટના / ટ્રક બન્યો યમરાજઃ 3 અકસ્માતમાં 20 લોકોના મોત, અમદાવાદમાં બે બાળકો અને પિતા બન્યા ભોગ

અમદાવાદમાં ટ્રકની ટક્કરે પિતા-બે પુત્રોના મોત

અમદાવાદમાં વટવા વિનોબાભાવેનગર પાસે અકસ્માતની ઘટના બની છે. જેમાં બે બાળકો અને પિતાનું ટ્રકની ટક્કર લાગતા મોત થયું છે. જોકે ટ્રક ચાલક અકસ્માત કરીને ભાગતા પોલીસે પીછો કરી ટ્રક ચાલકને ઝડપી પાડ્યો છે. વધુ તપાસ હાથ ધરી છે.

પાટણમાં ટ્રક અને કાર વચ્ચે અકસ્માતઃ 2ના મોત

પાટણમાં મેમદપુર ગામનાં પાટીયા પાસે અકસ્માત સર્જાયો છે. લાકડા ભરેલા ટ્રક અને કાર વચ્ચે સર્જાયેલા અકસ્માતમાં 2 લોકોના મોત નિપજ્યા છે. ત્યારે અકસ્માતથી ટ્રક પરના લાકડાઓ રસ્તા પર પડતા ટ્રાફિક જામ થયો હતો.

ઉત્તરપ્રદેશમાં ટ્રક ચાલકે કાબૂ ગુમાવતા અકસ્માતઃ 15ના મોત

ઉત્તરપ્રદેશના સંભલમાં મોટી રોડ દુર્ઘટના બની હતી. જેમાં 15 લોકોનાં મોત થયા હતા. જ્યારે 10થી વધુ લોકો ઈજાગ્રસ્ત થયા હતા. જેમને સારવાર અર્થે હોસ્પિટલ ખસેડવામાં આવ્યા હતા. મહત્વનું છે કે ટ્રકચાલકે કાબૂ ગુમાવતા રોડ અકસ્માત સર્જાયો હતો.

ઉલ્લેખનીય છે કે, અકસ્માતની ઘટનાઓમાં સૌથી વધુ અકસ્માત ટ્રકચાલક દ્વારા થતા હોવાની ઘટનાઓ સામે આવે છે. ત્યારે આવા કાળમુખા ટ્રકના નિર્દોષ લોકો ભોગ બને છે.