ઈલેક્શન 2022 / રૂપાણીના જૂના મંત્રીમંડળને બહારનો રસ્તો? '22માં'થી અડધોઅડધ નહીં લડે ચૂંટણી, સીટિંગ ધારાસભ્યોના શ્વાસ અધ્ધર, નો રિપીટની શક્યતા?

• રૂપાણીના જૂના મંત્રીમંડળને બહારનો રસ્તો?
• 22માં'થી અડધોઅડધ નહીં લડે ચૂંટણી:સૂત્ર
• 8થી10 આયાતી નેતાઓને ભાજપ ટિકિટ આપી શકે છે:સૂત્ર

ભાજપ એક વાર ફરી સત્તા વાપસી માટે તનતોડ મહેનત કરી રહી છે સોથા સાથે વિવિધ પક્ષોમાંથી ભાજપમાં પણ જોડાઈ રહ્યા છે જેમાંથી કેટલાક ઉમેદવારોએ ટિકિટ માટે દાવેદાવરી નોંધાવી છે. ભાજપને કાર્યકરો અને આયાતી બંન્ને ખુશ રાખવા છે જે માટે ઉમેદવારોની યાદી જાહેર કરવા માટે બેઠકોનો ધમધમાટ શરૂ કરી દીધા છે. સૂત્રો દ્વારા મળતી માહિતી મુજબ આ ચૂંટણીમાં 8થી10 આયાતી નેતાઓને ભાજપ ટિકિટ આપી શકે છે. રૂપાણીના જૂના મંત્રીમંડળના 13 પૂર્વ મંત્રીઓને ટિકિટ નહી મળે તેવી શક્યાતા છે. જેમાંથી રૂપાણી સહિત પાંચ નેતાઓ તો ન લડવાની જાહેરાત પણ કરી દીધી છે.

ભાજપના પાંચ નેતાઓની ચૂંટણી ન લડવાની જાહેરાત

• પૂર્વ મુખ્યમંત્રી વિજય રૂપાણી નહી લડે ચૂંટણી
• નીતિન પટેલ નહી લડે ચૂંટણી
• ભૂપેન્દ્રસિંહ ચુડાસમા પણ નહી લડે
• પ્રદીપસિંહ જાડેજા પણ નહી લડે ચૂંટણી
• આર સી ફળદુ પણ ચૂંટણી નહી લડે

ઉમેદવારોના નામ જાહેર થાય તેના પહેલા જ નહી લડવાની જાહેરાત
ભાજપ ઉમેદવારોની નામની જાહેરાત કરે તેના પહેલા જ રૂપાણી મંત્રી મંડળના નેતાઓની એક બાદ એક જાહેરાત સામે આવી છે તેઓ ચૂંટણી નહી લડે જેને પાંચ નેતાઓ જાહેરાત કરી છે તેઓ આ વિધાનસભામાં ચૂંટણી નહી લડે. હવે ભાજપના ઉમેદવારોની જાહેરાતને ગણતરીની ઘડી જ બાકી છે ત્યારે જુના જોગીઓ સ્વેચ્છાએ જણાવી રહ્યાં છે કે, તેઓ ચૂંટણી નહી લડે તે બાબતે રાજકીય માહોલ ગરમાયો છે અને ચર્ચાએ ચાલી રહી છે આ તમામની ટિકિટ મળવાની ન હતી તે પહેલેથી જ નક્કી હતું જે માટે ઉમેદવારોની જાહેરાત થાય તેના પહેલા તેમણે જાહેરાત કરી છે

 રૂપાણીના જૂના મંત્રીમંડળને બહારનો રસ્તો?
સૂત્રો દ્વારા મળતી માહિતી મુજબ જે ભાજપ 25 ટકા બેઠકો પર જુના ઉમેદવારોને ટિકિટ નહી આપે. વિજય  રૂપાણીના જૂના મંત્રીમંડળના 22 મંત્રીમાંથી 13 જેટલા મંત્રીઓને ટિકિટ નહીં મળે તવી ચર્ચા ચાલી રહી છે. તેમજ વિજય રૂપાણી, નીતિન પટેલ, ભૂપેન્દ્રસિંહ ચુડાસમા, પ્રદીપસિંહ જાડેજા, આર સી ફળદુ તો પોતાનો પત્તું કપાય તેના પહેલા સાવચેત થઈ ગયા છે અને તેમણે ન લડવાની જાહેરાત કરી દીધી છે.
 
મુસ્લિમ મતદારો માટે ભાજપની રણનીતિ
ભાજપ મુસ્લિમ મતદારોને પોતાની તરફ ખેચવા માટે કિમીયો અનાવ્યો છે. તેમને જણાવી દઈએ કે, ગુજરાતમાં 32 મુસ્લિમ વસ્તી ધરાવતી વિધાનસભા બેઠકો માટે ખાસ રણનીતિ બનાવવામાં આવી રહી છે જો ગત ટર્મ 2017ની ચૂંટણી વાત કરીઓ તો ભાજપે 32માંથી 12 બેઠકો જીતી હતી.