શું થયું / બગોદરા અકસ્માત : છોટાહાથીમાં 23 લોકો હતા સવાર, પોલીસે જણાવ્યું કેવી રીતે થયો અકસ્માત, એક ભૂલ અને..

• બગોદરા પાસે થયેલા અકમસ્તનો મામલો
• અકસ્માત અગે SP અમિત વસવાનું નિવેદન
• ડ્રાઇવરને ઝોકું આવતા અકસ્માત થયાની અનુમાનઃ SP

 બગોદરા હાઇવે પર ટ્રક અને છોટાહાથી વચ્ચે સર્જાયેલા ગમખ્વાર અકસ્માત મામલે પોલીસ તપાસ કરી રહી છે.ત્યારે એસપી અમિત વસાવાએ જણાવ્યું કે વાહનમાં 23 લોકો સવાર હતા. જે પૈકી 10 લોકોનાં મોત થયા છે..જ્યારે 4 લોકોને કોઇ પણ પ્રકારની ઇજા થઇ નથી. આ સાથે જ છોટા હાથીના ડ્રાઇવરને ઝોકું આવી જતાં અકસ્માત સર્જાયાનું પ્રાથમિક અનુમાન લગાવવામાં આવ્યા છે. મહત્વનું છે કે ચોટીલાથી પરિવાર  પરત ફરી રહ્યો હતો ત્યારે બગોદરા હાઇવે પર ઉભા ટ્રકમાં છોટાહાથી ઘુસી જતાં 10 લોકોના કમકમાટીભર્યા મોત નીપજ્યા છે. 

ઘટનામાં કુલ 10 લોકોના મોત નિપજ્યાઃ અમિત વસાવા
આ અકસ્માત બાબતે એસપી અમિત વસાવાએ જણાવ્યું હતું કે, ખૂબ જ દુઃખદ ઘટનાં બની છે.  બગોદરા પાસે સુરેન્દ્રનગરની હદ ક્રોસ કરીને બગોદરા- રાજકોટ હાઈવે પર આ બનાવ બન્યો છે. ત્યારે આ ઘટનામાં કુલ 10 લોકોનાં મૃત્યું થયા છે. જેમાં 3 લોકોનાં ઘટનાં સ્થળે જ મૃત્યું થયા હતા. અકસ્માતમાં પાંચ મહિલા, ત્રણ બાળકો તેમજ બે પુરૂષનાં મોત થયા છે. આ તમામ લોકો કપડવંજ તેમજ બાલાસિનોર બાજુનાં ગામનાં છે. 

ડ્રાયવર ઉજાગરા કરી ડ્રાઈવીંગ કરી રહ્યો હતોઃ એસપી
રાત્રે 11.30 થી 12.00 વાગ્યા વચ્ચે આ અકસ્માત સર્જાયો હતો.  ત્યારે મારૂતી કેરી જે વાહન છે તે વાહન લોડીંગ વાહન છે. જેમાં પેસેન્જર લઈને જઈ રહ્યા હતા. અને આ જે લોકો છે તે ખેડાનાં કપડવંજ ગામનાં છે અને એકબીજાને ઓળખે છે.  રાત્રે તેઓ નીકળીને ચોટીલા દર્શન માટે ગયા હતા.  વહેલા સવારે તેઓ ચોટીલા પહોંચ્યા હતા.  દર્શન કરીને તેઓ પરત ફરી રહ્યા હતા. ત્યારે તેઓને અકસ્માત નડ્યો હતો. ટ્રક સાઈડમાં જ ઉભેલ હતું. એ લોકોનું વ્હીકલ આ ટ્રક જોડે અથડાયું છે. પ્રાથમિક દ્રષ્ટિએ એવું માનવામાં આવી રહ્યું છે કે, આખી રાતનાં ઉજાગરા કરીને આ ડ્રાઈવીંગ કરી રહ્યો હતો. તો એવું બની શકે છે કે રસ્તા પર જે ટ્રક ઉભું હતું તેને અથડાયું હોઈ શકે. કુલ 13 લોકો બચી ગયા છે. એમાંથી અમુક લોકો બગોદરા તેમજ અમદાવાદ સિવિલ ખાતે સારવાર હેઠળ છે.