ગંભીર / કોરોનાનો ખતરો ઘટ્યો પણ આ ખતરનાક વાયરસનો ખતરો હજુ યથાવત, એક જિલ્લામાંથી મળ્યા 10 કેસ

• કાનપુરમાં ઝિકા વાયરસનો હુમલો
• વધુ છ દર્દીઓ મળી આવ્યા
• ત્રણ એરફોર્સના કર્મચારીઓ અને સાત નાગરિકો

કાનપુરમાં ઝિકા વાયરસનો હુમલો વધી રહ્યો છે. રવિવારે ચકેરી વિસ્તારમાં ઝીકાના વધુ છ દર્દીઓ મળી આવ્યા છે. મોટી વાત એ છે કે તેમાંથી ચાર મહિલાઓ પણ છે. વાયુસેનાના જવાનો બાદ હવે સામાન્ય લોકો પર ઝીકાના હુમલાથી ખળભળાટ મચી ગયો છે. એડિશનલ ચીફ સેક્રેટરીએ ઓનલાઈન ઈમરજન્સી બેઠક બોલાવી હતી.

હાઈ એલર્ટ જાહેર
ચકેરી વિસ્તારમાં હાઈ એલર્ટ જાહેર કરવામાં આવ્યું છે. શહેરમાં હવે ઝીકાના 10 દર્દીઓ છે. જેના કારણે દિલ્હી અને લખનૌમાં પણ અશાંતિ વધી છે. એરફોર્સ સ્ટેશન ઉપરાંત ચકેરી વિસ્તારના નવ વિસ્તારો ઝિકા સંક્રમણની ઝપેટમાં છે. આ વિસ્તારો પોખરપુર, આદર્શનગર, શ્યામનગર, કાલીબારી, ઓમપુરવા, લાલકુર્તી, કાજીખેડા અને પૂનમ ટોકીઝ છે.

10 લોકોમાં ત્રણ એરફોર્સના કર્મચારીઓ અને સાત નાગરિકો
અત્યાર સુધીમાં સંક્રમિત 10 લોકોમાં ત્રણ એરફોર્સના કર્મચારીઓ અને સાત નાગરિકો સામેલ છે. ચારમાંથી એક મહિલાને આઈસોલેટ કરવામાં આવી છે. આ સાથે કન્ટેઈનમેન્ટ એરિયામાંથી શંકાસ્પદ લોકોના સેમ્પલ KGMU લખનૌ અને પુણે મોકલવામાં આવી રહ્યા છે. આરોગ્ય વિભાગની ટીમોએ ઇન્ફેકટેડ લોકોના સંપર્કમાં આવેલા લોકોના સેમ્પલ પણ લીધા હતા.

વધુ છ નવા દર્દીઓ મળતાં ડીએમ વિશાખ જી. એ ઝિકા અસરગ્રસ્ત વિસ્તારનું નિરીક્ષણ કર્યું હતું. તેમણે લોકોને ઘરોમાં પાણી જમા ન થવા દેવા જણાવ્યું હતું. મહાનગરપાલિકા, આરોગ્ય વિભાગ અને વહીવટીતંત્રની સંયુક્ત ટીમ બનાવીને અસરગ્રસ્ત વિસ્તારો પર નજર રાખવા સૂચના આપવામાં આવી હતી. આ પ્રસંગે સીડીઓ ડો.મહેન્દ્ર કુમાર, સીએમઓ ડો. નૈપાલ સિંહ અને અન્ય અધિકારીઓ ઉપસ્થિત રહ્યા હતા.

વધી રહ્યું છે ઇન્ફેકશન 
- પહેલો દર્દી 23 ઓક્ટોબરે મળ્યો હતો
- 30 ઓક્ટોબરે વધુ ત્રણ દર્દીઓ મળી આવ્યા હતા
- 31 ઓક્ટોબરે છ દર્દીઓ મળી આવ્યા હતા