રજૂઆત / યુવરાજસિંહના મોટા આક્ષેપઃ મલ્ટીપર્પઝ હેલ્થ વર્કરની ભરતીને લઇને પહોંચ્યા વડોદરા કોર્પોરેશન, જાણો શું છે મામલો

• વિદ્યાર્થી નેતા યુવરાજસિંહ વડોદરા કોર્પોરેશન પહોચ્યા
• મલ્ટીપર્પઝની ભરતીમાં વિસંગતતા મામલે કરી રજુઆત
• વડોદરામાં અગાઉ ઓનલાઇન પરીક્ષામાં ધાંધલીઓ થઈ હતી

યુવરાજસિંહ જાડેજા આજે ભરતીમાં વિસંગતતા મામલે વડોદરા કોર્પોરેશનમાં રજૂઆત માટે પહોંચ્યા હતા.જ્યાં તેમને મલ્ટીપર્પઝ હેલ્થ વર્કરની ભરતીમાં વિસંગતતા મામલે રજૂઆત કરી હતી. મલ્ટીપર્પઝ હેલ્થ વર્કરની 641 કર્મચારીની ભરતી બહાર પાડવામાં આવી છે. જેમાં વય મર્યાદા 33 વર્ષની જગ્યાએ 28 વર્ષની રખાતા યુવરાજસિંહ દ્વારા વયમર્યાદા વધારવા રજૂઆત કરાઈ હતી. 

જુનિયર ક્લાર્કની અગાઉની ભરતીમાં વિસંગતતા હતી 

આ સિવાય વડોદરા મ્યુનિસિપલ કોર્પોરેશન દ્વારા 552 જેટલી જુનિયર ક્લાર્કની ભરતીમાં પણ વિસંગતતા હોવાનો આક્ષેપ તેમને લગાવ્યો હતો. જેમાં ગ્રેજ્યુએશનમાં મિનિમમ 50 ટકાની લાયકત રાખવામાં આવી હતી. તેથી યુવરાજસિંહ આ મામલે પણ રજૂઆત કરી હતી. 

યોગ્ય પગલા નહી ભરાય તો પ્રદર્શનની ચિમકી

યુવરાજસિંહે વડોદરામાં ઉર્જા વિભાગની ઓનલાઈન પરિક્ષામાં પણ ધાંધલી થઈ હોવાનો આક્ષેપ મુકી કાર્યવાહી કરવા વડોદરા મ્યુનિસિપલ કમિશનરને આવેદનપત્ર સોંપ્યુ છે. જો આ મામલે યોગ્ય કાર્યવાહી નહી થાય તો આગામી સમયમાં વિરોધ પ્રદર્શનની ચીમકી પણ તેમને ઉચ્ચારી છે.