બોલિવુડ / Article 370ને આલોચકોએ ગણાવી પ્રોપેગન્ડા ફિલ્મ, યામીએ કહ્યું 'જે પહેલેથી જ એવું વિચારીને બેઠાં હોય...'

• યામી ગૌતમની ફિલ્મ આર્ટિકલ 370નું ટ્રેલર રિલીઝ કરવામાં આવ્યું હતું. 
• લોકસભા ચૂંટણીને લઈને કેટલાક લોકો આ ફિલ્મને પ્રોપગેન્ડા ગણાવી રહ્યા છે. 
• યામી બોલી, 'આવા વિચારો સાથે થિયેટરોમાં જશો તો ફિલ્મ માણી શકશો નહીં.' 

યામી ગૌતમ બોલિવૂડની શ્રેષ્ઠ અભિનેત્રીઓની યાદીમાં સામેલ છે. આ દિવસોમાં તે અલગ-અલગ કોન્સેપ્ટવાળી ફિલ્મો કરી રહી છે. હાલમાં જ યામી ગૌતમની ફિલ્મ આર્ટિકલ 370નું ટ્રેલર રિલીઝ કરવામાં આવ્યું હતું, જેને દર્શકોએ ખૂબ પસંદ કર્યું હતું. આ ફિલ્મ કાશ્મીરમાંથી કલમ 370 હટાવવા અંગે છે. 

❤️#Article370 #promotions pic.twitter.com/dg4sckTHT3

— Yami Gautam Dhar (@yamigautam) February 15, 2024

ટ્રેલર જોઇને એવું લાગી રહ્યું છે ળે આ ફિલ્મમાં કલમ 370 હટાવવા પહેલા જે પ્રકારની ગતિવિધિઓ થઈ રહી હતી તે બતાવવામાં આવશે. એક તરફ જ્યાં દર્શકો ફિલ્મની રિલીઝની રાહ જોઈ રહ્યા છે તો બીજી તરફ કેટલાક લોકો આ ફિલ્મને પ્રોપગેન્ડા ગણાવી રહ્યા છે. તાજેતરમાં યામી ગૌતમે આ વાત પર તેનો પક્ષ રાખ્યો હતો. 

જણાવી દઈએ કે આ વર્ષે એપ્રિલ મહિનામાં લોકસભા ચૂંટણી યોજાવા જઈ રહી છે અને કલમ 370 ફિલ્મની રિલીઝને લઈને કેટલાક લોકોનું માનવું છે કે આ પ્રચાર માટે છે. નોંધનીય છે કે આ ફિલ્મ યામી ગૌતમના પતિ આદિત્ય ધર દ્વારા નિર્દેશિત કરવામાં આવી છે. આ ફિલ્મનું નિર્માણ B62 સ્ટુડિયો દ્વારા કરવામાં આવ્યું છે. જણાવી દઈએ કે આ પહેલા પણ વર્ષ 2019માં રીલિઝ થયેલી ફિલ્મ ઉરીઃ ધ સર્જિકલ સ્ટ્રાઈકને ધર દ્વારા જ પ્રોડ્યુસ કરવામાં આવી હતી. આ ફિલ્મને દર્શકોએ ખૂબ વખાણી હતી. 

યામી ગૌતમે ટીકાકારોને જવાબ આપતા કહ્યું કે, 'જો તેને પ્રોપગેન્ડા કે અંધરાષ્ટ્રવાદ જેવા વિચારો સાથે થિયેટરોમાં જશો તો આ શું છે, તમે ક્યારેય ફિલ્મનો આનંદ માણી શકશો નહીં કે અનુભવી શકશો નહીં. તેમના માટે ફિલ્મને યોગ્ય ઠેરવવાનો કોઈ અર્થ નથી. મને લાગે છે કે આ ફિલ્મ થોડા નહીં પણ મોટાભાગે દર્શકો માટે છે અને અમે દર્શકો માટે ફિલ્મો બનાવીએ છીએ. 

વધુ વાંચો: હાથીઓની નિર્મમ હત્યા! સત્ય ઘટના પર આધારિત 'પોચર' ક્રાઈમ સીરિઝનું ટ્રેલર લોન્ચ, આ તારીખે થશે રીલીઝ

યામી ગૌતમના કામની વાત કરીએ તો તે કલમ 370 પછી ફિલ્મ ધૂમ ધામમાં જોવા મળશે. આ ફિલ્મનું નિર્માણ પણ B62 સ્ટુડિયો દ્વારા કરવામાં આવશે. તે જ સમયે, આ ફિલ્મમાં અભિનેત્રી સાથે પ્રતીક ગાંધી પણ જોવા મળશે. યામી ગૌતમની આર્ટિકલ 370 23 ફેબ્રુઆરીએ સિનેમાઘરોમાં રિલીઝ થશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો
whatsapp.com/channel/0029Va9Pzs50gcfLWGaYSv35