- 22 ઓક્ટોબરે ધર્મશાલાના સ્ટેડિયમમાં ભારત અને ન્યૂઝીલેન્ડ સામે જંગ
- હાર્દિકના સ્થાને સૂર્યકુમાર યાદવને ટીમમાં સામેલ કરવાના સંકેત
- સૂર્યકુમાર યાદવ સ્પિન બોલિંગ વધુ સારી રીતે રમે તે ફાયદો
વર્લ્ડ કપને લઈને ક્રિકેટ રસીકોમાં ભારે ઉત્સાહનો માહોલ જોવા મળી રહ્યો છે. બીજી બાજુ ક્રિકેટ રસીકો માટે આ શ્રેણી એટલે મોટા તહેવાર સમાન છે. જેનો લોકો આનંદ ઉઠાવી રહ્યા છે. તો ભારતીય ટીમની પણ વર્લ્ડ કપમાં સારી શરૂઆત ચાલી રહી છે. ત્યારે આ શ્રેણીમાં ભારતીય ટીમ વર્લ્ડ કપની તેની પાંચમી મેચ ન્યૂઝીલેન્ડ સામે ધરમશાળા સ્ટેડિયમમાં રમશે. મહત્વનું છે કે છેલ્લી મેચમાં હાર્દિક પંડ્યાને ઇજાને કારણે હાલ તે આરામ પર છે અને પ્લેઇંગ ઇલેવનનો હિસ્સો બની રહ્યો નથી. જેના કારણે હવે સૂર્યકુમાર યાદવને ટીમમાં સામેલ કરવામાં આવે તેવા સંકેતો વર્તાઈ રહ્યા છે.
22 ઓક્ટોબરે ધર્મશાલાના સ્ટેડિયમમાં ભારત અને ન્યૂઝીલેન્ડ સામે જંગ ખેલાશે. આ મેચમાં ટીમ ઈન્ડિયાના પ્લેઈંગ-11માં ફેરફાર થશે તે નિશ્ચિત છે કારણ કે છેલ્લી મેચમાં હાર્દિક પંડ્યા ઈજાને પગલે હાલ તે ટીમથી બહાર છે. આ મેચ પહેલા પ્રેસ કોન્ફરન્સમાં યોજાઈ હતી. જેમાં રાહુલ દ્રવિડના જવાબ સૂર્યકુમાર યાદવનજ પ્લેઈંગ-11માં સામેલ થવા તરફ ઈશારો કરતા હતા.
ટીમ ઈન્ડિયામાં 2 ફેરફાર કરવા પડી શકે છે
હાર્દિક પંડ્યાનું ટીમમા કદ મહત્વનું હોવાથી તેમની ગેરહાજરી મોટા ફટકા સમાન ગણવામાં આવી રહી છે.દ્રવિડે પણ પંડ્યાના ન રમવાને મોટો ફટકો ગણાવ્યો છે. જેથી ટીમનું બેલેન્સ જાળવવા માટે પ્લેઇંગ-11માં બે ફેરફારની નોબત આવી શકે છે. કોચ રાહુલ દ્રવિડના કહેવા પ્રમાણે સૂર્યકુમાર યાદવ સ્પિન બોલિંગ વધુ સારી રીતે રમે છે. નીચલા ક્રમમાં ઝડપથી રન બનાવવા માટે આ સારો વિકલ્પ છે.
મોહમ્મદ શમીને પણ તક મળી શકે છે
બીજી બાજુ બેટિંગ તથા બોલિંગમાં પણ ફેરફાર થઈ શકે છે. જ્યા શાર્દુલ ઠાકુરની જગ્યાએ મોહમ્મદ શમીને બોલિંગમાં મોકો મળી શકે છે. ધરમશાલાની પિચ અને હવામાનની સ્થિતિને પગલે ફાસ્ટ બોલરો માટે તે આવકારદાયક છે. વધુમાં શમીના સમાવેશ સાથે ટીમ ઈન્ડિયાના પાંચ નિષ્ણાત બોલર મેદાનમાં હાજર રહેશે.
