- મહિલાઓએ પોતાના સ્વાસ્થ્યનું ખાસ રાખવું ધ્યાન
- 20ની ઉંમર પછી ચોક્કસ પોષકતત્વોનું સેવન જરૂરી
- પોતાના ડાયટમાં ફેરફાર કરી રહી શકો છો સ્વસ્થ
શરીરને સ્વસ્થ રાખવા માટે ભિન્ન-ભિન્ન પ્રકારનાં પોષકતત્વોનું સેવન અતિઆવશ્યક છે. લાઈફસ્ટાઈલમાં થોડા ફેરફાર કરીને તમે તમારા ડાયટમાં જરૂરી એવા પોષકતત્વો ઉમેરીને તમારા હેલ્થને સારું કરી શકો છો. ખાસ કરીને મહિલાઓએ 20ની ઉંમર બાદ આ પોષકતત્વોનું સેવન કરવું જ જોઈએ જેથી આગળનાં ભવિષ્યમાં મોટી સમસ્યાઓથી બચી શકાય.
ફોલેટ
હાર્ટ હેલ્થ, નર્વસ ફંક્શન, મસલ હેલ્થ, એનર્જી, ડાઈજેશન, બ્લડ હેલ્થ, ભૂખને કંટ્રોલ કરવા અને આંખો-સ્કિન માટે ઉત્તમ માનવામાં આવતું તત્વ એટલે ફોલેટ. તેના સેવનથી પ્રેગનેંસી દરમિયાન બર્થ ડિફેક્ટનો ખતરો પણ ઓછો થાય છે.
સોર્સ- બ્રોકલી, છોલે, લીલાં શાકભાજી
આયરન
હોર્મોનલ બેંલેન્સની સાથે સાથે શરીરનાં વિવિધ કાર્યો માટે આયરનને મહત્વનું માનવામાં આવે છે. આયરન શરીરનાં તમામ ભાગોમાં ઓક્સીજન પહોંચાડવાનું કામ કરે છે. આયરનનું સેવન વિટામિન સીની સાથે કરવાથી તે સારી રીતે અવશોષિત થઈ જાય છે.
સોર્સ- કિશમિશ, દાળ, સોયાબીન, તિલ
કેલ્શિયમ
બોન હેલ્થ, દાંત, મસલ ફંક્શન, હાર્મોનલ બેલેંસ વગેરે માટે મહત્વનું હોય છે.
સોર્સ- રાગી, પનીર, બાથુઆનાં પાન, તલનાં બીજ
વિટામિન ડી
મનુષ્યનાં શરીર માટે વિટામિન ડી અતિ આવશ્યક છે. વિટામિન ડીનો સૌથી સારો સોર્સ સૂર્યપ્રકાશ હોય છે. તે શરીરને નિયંત્રિત રાખવા માટે અને કેલ્શિયમ, મેગ્નેશિયમ અને ફોસ્ફેટ જેવા મિનરલ્સને પચાવવા માટે ઘણો જરૂરી છે. વિટામિન ડી ઈમ્યૂન સિસ્ટમને તંદુરસ્ત રાખવા અને હાડકાઓ તેમજ દાંતનાં ગ્રોથને વધારવા માટે પણ કામ આવે છે.
સોર્સ- સૂર્યપ્રકાશ, મશરૂમ, ઈંડાનો પીળો ભાગ
મેગ્નેશિયમ
મેગ્નેશિયમ એક ખનીજ છે જે શરીર માટે અત્યંત જરૂરી હોય છે તેથી તેને માસ્ટર ખનીજ પણ કહેવામાં આવે છે. હદય યોગ્યરીતે કામ કરે તે માટે શરીરમાં મેગ્નેશિયમ હોવું ખૂબ જરૂરી છે.
સોર્સ- કેળા, એવાકાડો, નટ્સ, લીલી શાકભાજી, અંજીર, જુવાર
ઓમેગા-3 ફેટી એસિડ
ઓમેગા-3 ફેટી એસિડ કેટલાક એવા જરૂરી પોષક તત્વોમાંનો એક છે જેની આપણા શરીરને ઘણી જરૂર હોય છે.તે આપણાં સ્વાસ્થ્યની સાથે સ્કિન અને માનસિક સ્વાસ્થ્યને પણ મજબૂત બનાવે છે.શરીરમાં ઓમેગા-3 ફેટી એસિડની ઊણપને લીધે અનેક બીમારીઓનો સામનો કરવો પડી શકે છે.
સોર્સ- ઘી, એવાકાડો, ઓલિવ ઓઈલ, અખરોટ, ચીયા સીડ્સ
