- ટ્વિટર પર છોકરીએ માગી લગ્નની સલાહ
- 14 છોકરાઓ સાથે ચાલી રહી છે લગ્નની વાત
- લોકોએ પણ આપ્યા મજેદાર જવાબ
ટ્વિટર પર એક પોસ્ટ ખૂબ વાયરલ થઇ રહી છે. દાવા મુજબ આ પોસ્ટ એક છોકરીની છે, જેમાં તે કબૂલાત કરી રહી છે. 29 વર્ષની આ યુવતી B.Com ગ્રેજ્યુએટ હોવાની માહિતી મળી છે. હાલ તે કામ કરી રહી નથી અને મેટ્રિમોનિયલ સાઈટ પર 14 છોકરાઓ સાથે લગ્નની વાત ચલાવી રહી છે.
14માંથી કોની સાથે લગ્ન કરું, સલાહ આપજો
આ છોકરીએ લાયકાત અને વાર્ષિક કમાણી સાથે તમામ 14 છોકરાઓની યાદી પણ શેર કરી છે અને ટ્વિટર પર લોકોને પૂછ્યું છે કે આ 14 છોકરાઓમાંથી કયા છોકરા સાથે લગ્ન કરવા જોઈએ? છોકરી જે 14 છોકરાના નામ આપ્યાં છે તેમાં વાર્ષિક 14 લાખથી 45 લાખ રુપિયાની કમાણી કરનારા સામેલ છે. યુવતીએ હાજર તેમની ઉંમર, કંપની અને શહેરોના નામ પણ આપ્યા છે. એટલું જ નહીં, યુવતીએ પુરુષોની ટાલ અને તેમની લંબાઈ વિશે પણ ચર્ચા કરી છે.
છોકરી પૂછે પછી પૂછવું જ શું, તૂટી પડ્યાં યૂઝર્સ
હવે સલાહ-શીખામણ આપવા તો લોકો ટાંપીને બેઠા જ હોય છે અને તેમાંય છોકરી પૂછે પછી પૂછવું જ શું. ટ્વિટર યૂઝર્સ દ્વારા છોકરીને ઘણા મજેદાર જવાબ અપાયા છે. એક ટ્વિટર યુઝરે લખ્યું છે કે એરેન્જ મેરેજ ખૂબ જ અપમાનજનક પ્રક્રિયા છે. શું છોકરીના લગ્ન કોઈ છોકરા સાથે થઈ રહ્યા છે. એક ટ્વિટર યુઝરે સૂચવ્યું છે કે 29 વર્ષની નોકરી વગરની બીકોમ ગર્લ માટે 20 લાખ પગારવાળો છોકરો યોગ્ય છે. વર્ષે 45 લાખ કમાતો છોકરો આવી છોકરી સાથે કેમ લગ્ન કરે. કોઈએ લખ્યું કે પ્રાઈમ એજ વીતી ગયા બાદ પણ આ યુવતી પાસે ઘણા બધા ઓપ્શન છે. આ બતાવે છે કે લગ્ન બજારમાં લોકો છોકરીઓ તરફ કેવું વલણ ધરાવે છે. સાથે જ કેટલાક ટ્વિટર યૂઝર્સે પણ તે નકલી હોવાની શક્યતા વ્યક્ત કરી છે.
